Қазақстанда тұрғын үймен қамтамасыз ету орталығы құрылады
Елімізде тұрғын үймен қамтамасыз ететін жаңа орталық құрылады. Бұл туралы ҚР Индустрия және инфрақұрылымдық даму министрі Бейбіт Атамқұлов айтты, деп хабарлайды Stan.kz ақпарат агенттігі.
"Отбасы банкі базасында тұрғын үймен қамтамасыз ету жөніндегі орталық құрылады. Ол тұрғын үйге мұқтаждарды есепке алуды, сондай-ақ, тұрғын үйдің қолжетімділік сатысына сәйкес, тұрғын үйді кезекке қою күні бойынша бөлуді орталықтандырып жүзеге асырады. Тұрғын үй мен қамтамасыз ету жөніндегі орталықтың базасы жеке тұлғалардың мемлекеттікдерекқорларымен интеграцияланады. Базаға қайта енгізуге жол берілмейді. Азаматтар мемлекеттік бағдарламаларға бір рет қана қатыса алады" - деді Атамқұлов Үкімет отырысында.
Министрдің сөзінше, осы орайда "Отбасы банкінің" өкілеттігі күшейтіледі.
- Қазіргі жағдай алыпсатарлық: Мамандар зейнетақы жинағына әзірге пәтер сатып алмауға кеңес береді
- Қазақстанда күрделі жөндеуге жарна төлемегені үшін айыппұл салу ұсынылды
"Отбасы банкі" жұмысының негізгі қағидаты ең алдымен, халықтың әлеуметтік осал топтары үшін баспананың қолжетімділігін арттыруға бағытталады. Мемлекеттік, бюджет қызметкерлері, толық емес отбасылар және кезекте тұрған басқа да азаматтар жеңілдетілген қарыз алу арқылы тұрғын үй сатып алады", - деді ол.
"Ізімнен қалмай, бөксемді ұстады": Елордалық қыз сауда орталығында келеңсіз жайтқа тап болғанын айтты
