Өнеркәсіп және құрылыс министрлігінің баспасөз қызметінің мәліметінше, нысандарды пайдалануға беру критерийлерінің бірі ретінде құрылысқа бөлінген аумақты абаттандыру мен көгалдандырудың болуы міндеттеліп отыр.

"Аталған түзетулер шеңберінде бекітілген жобаға сәйкес құрылысты монтаждау жұмыстары, объектіні инженерлік және коммуналдық қамтамасыз ету көздеріне қосу, объектінің құрылысына бөлінген аумақты абаттандыру және көгалдандыру бойынша жұмыстар орындалған нысандардың (кешендердің) жай-күйі мен салынған нысандардың (кешендердің) толық әзірлігі бақыланады", – делінген өнеркәсіп және құрылыс министрлігінің хабарламасында.

2024 жылы тұрғын үй бағасы төмендей ме – Cарапшы пікірі

Енді салынған объектілерді (кешендерді) пайдалану беру объектінің құрылысына бөлінген аумақты абаттандыру және көгалдандыру жөніндегі жұмыстар орындалғаннан кейін жүзеге асырылады.

"Нысандарды пайдалануға берудің өлшемшарттарының бірін белгілеу объектіні салуға бөлінген аумақты көгалдандырудың болуы тұрғындардың жайлылық деңгейін едәуір арттыруға, жел мен шаңды ұстап, атмосферадағы оттегінің құрамын арттыруға, шу және өндірістерден үй маңындағы кеңістікті бөлуге, ауланың келбетін едәуір жақсартуға мүмкіндік береді", – деп хабарлады министрліктің баспасөз қызметі.

Еске салайық, бұған дейін Қазақстанда құрылыс салушылар мен үлескерлер арасында тұрғын үй сатып алудың алдын ала шарттарына тыйым салу жоспарланып отырғаны туралы хабарлаған едік. Бұл үлестік қатысудың толыққанды шартын жасамай, құрылыс салушыларға ақша салатын үлескерлерді алаяқтықтан сақтауға мүмкіндік береді.

Талқылау