Израиль Газа секторындағы атысты тоқтатудың шартын жариялады

Израиль Газа cекторындағы атысты тек кепілге алынған адамдарды қайтарған жағдайда тоқтататынын мәлімдеді. Бұл туралы Stan.kz ақпарат агенттігі хабарлайды. 

Израиль премьер-министрі Биньямин Нетаньяху жергілікті және қысқа мерзімді гуманитарлық үзілістерге дайын екенін айтты.

ХАМАС пен Израиль кепілге алынған 80 еврейді тұтқындағыпалестиналық әйелдер мен жасөспірімдерге айырбастау мәселесін талқылап жатыр.

• Қазақстандықтар Израильді қолдады деп көптеген компанияға бойкот жариялады: Отандық сарапшылар акцияға қатысты не ойлайды

Бұған дейін Израиль сыртқы істер министрлігі ХАМАС жойылмайынша атыс тоқтамайтынын мәлімдеген еді. Ал араб елдері Израильдің Палестинаның барлық жерлерін оккупациялауын тоқтатуын талап етіп, Палестинаға тәуелсіздік беруін сұрады. 

Еске салсақ, Израильдің ұлттық мұра министрі Амихай Элиягу жеңіс үшін Газа секторының бейбіт тұрғындары жоқ жеріне ядролық қаруды қолданудан тартынбайтынын айтты.