Головкин мен “Канело” екінші рет мамыр айында кездеседі
Golden Boy Promotions промоутерлік компаниясының президенті Эрик Гомес қазақстандық боксшы Геннадий Головкин (37-0-1, 33 КО) мен Сауль «Канело» Аьварес (49-1-2, 34 КО) арасындағы екінші кездесуді ұйымдастыру үшін ресми түрде келіссөздердің басталғанын және жекпе-жектің қашан өтетінін айтты.
Бұл туралы qsport.kz басылымы хабарлайды.
«Біз Головкин мен «Канело» арасындағы екінші кездесуді ұйымдастыру үшін ресми түрде келіссөздерді бастап кеттік. Головкиннің промоутері Том Леффлермен де жолықтық. Жекпе-жек мамыр айында өтеді. Өйткені мамыр айында ақылы жүйеден (PPV) қомақты пайда түсіруге болады. Шамамен жекпе-жек 5 мамыр күні өтеді. Бұл – Мексика жұрты үшін айтулы күн. Дәл осы күні 1862 жылы мексикалықтар Пэубла түбіндегі шайқаста жеңіске жетті. Сондықтан да бұл кездесу мексикалық жанкүйерлер үшін керемет сый болады», – дейді Гомес.
Еске сала кетейік, Головкин – «Канело» жекпе-жегі 16 қыркүйек күні Лас-Вегастағы (АҚШ, Невада) T-Mobile аренасында өтті. Төрешілер жекпе-жекті тең деп аяқтап, Геннадий Головкин орта салмақта WBC, WBA (Super) IBF және IBO чемпиондық атақтарын қорғап қалды.
Жіберіп алмаңыз:
АҚШ президенті мен елдегі спортшылар арасында кикілжің пайда болды
Майк Тайсон: Мен Головкиннің жанкүйерімін
Желіде бокс бапкерінің төрешіні сабап тастаған видеосы пайда болды (видео)
“Канело” Альварес Мексикада жер сілкінісінен зардап шеккендерге бір миллион доллар аударады (фото)