Елордада карантинді бұзғаны үшін түнгі клуб әкімшісі қамауға алынды
Елордада клуб әкімшісі карантинді бірнеше рет бұзғаны үшін қамауға алынды, деп хабарлайды Stan.kz ақпарат агенттігі Нұр-сұлтан ПД баспасөз қызметіне сілтеме жасай отырып.
Түнде сағат 01.35-те жергілікті полиция қызметкерлері әкімшілік учаскені аралау барысында түнгі клубта карантинді бұзу фактісін анықтады. Түнгі клубтардың жұмысына тыйым салынғанына қарамастан 30-ға жуық адам болған.
- Нұр-Сұлтанда 65 адам түнгі клубтан полиция бөлімшесіне жеткізілді
- Құда түсіп, қыз ұзатқан: Алматыда той жасағандарға 5 млн теңге айыппұл салынды
Бұған дейін 25 жастағы клуб әкімшісіне бірнеше рет ескерту берілген екен. Әкімшілік жауапкершілікке де тартылған, бірақ мекеме қызметін жалғастырған.
Түнгі клубтың әкімшісіне қатысты әкімшілік материал қозғалды. Ол Нұр-Сұлтанның мамандандырылған ауданаралық әкімшілік сотында қаралды. Сот кінәлі деп танып, бір тәулікке қамауға алды.
Талқылау