"Студенттердің барлығын жатақханамен қамтамасыз ету мүмкін емес екені анық. Бұл мәселе әлі де жүйелі. Дегенмен министрлік бұл бағытта жұмыс істеп жатыр. Атап айтқанда, біздің департамент университеттермен бірлесе отырып, студенттерге жатақханадан орын алуға көмектесетін жағдаяттық орталық құрды", - деді ол.

Министр қоғам қайраткерлері мен қамқор азаматтарды мұқтаж студенттерге көмек көрсетуге шақырды. Студенттердің баспана мәселесіне жедел ден қою мақсатында Ахуалдық орталық +77002551443 телефоны бойынша байланыс орталығын іске қосты. Ол тәулік бойы жұмыс істейді.

"Орын тапшылығы мәселелерін жүйелі шешу үшін биыл Алматы мен Астанада жатақхана құрылысының жобалық кеңселерін аштық. Өйткені орын тапшылығының 70 пайызы осы қалаларға тиесілі. Бұған дейін жоғары оқу орындарындағы жөндеу жұмыстарын 15 тамызға дейін аяқтауды тапсырған болатынмын. Оқу жылы басталмай тұрып, ЖОО-ның бірінші басшылары жатақханалардың санитарлық-техникалық нормаларға сәйкестігіне баса назар аударуы қажет", - деді Саясат Нұрбек.

Жоғары оқу орындарының болжамы бойынша жаңа оқу жылында жатақханаға мұқтаж студенттер саны 134 мың адамды құрайды. Алматыда жоғары оқу орындарының көп шоғырлануына байланысты бұл мегаполиске жыл сайын әртүрлі аймақтардан студенттердің көп ағыны түседі. Жатақханада орын жетпеген студенттерге орын тапшылығы мәселесі шешілгенше жатақхана мен қонақүйден орын берілмек.

2023 жылдың 1 қыркүйегінен бастап білім беру ұйымдарының барлық оқушыларын жатақханадан орынмен қамтамасыз етуді көздейтін "Білім туралы" Заңның жаңа редакциясы күшіне енеді.

Талқылау