COVID-19-дан болатын өлім қаупін екі есе арттыратын фактор аталды

Ұлыбритания ғалымдары бүйрек аурулары коронавирустың өлім қаупін екі есе арттырады деп санайды. Олардың зерттеу нәтижелері Anaesthesia журналында жарияланды, деп хабарлайды Stan.kz ақпарат агенттігі.

Мамандар 10 наурыз бен 23 шілде аралығында Лондон мен Бирмингемдегі ауруханаларға жеткізілген COVID-19 жұқтырған 372 пациенттің медициналық тарихын қарастырды. Олардың 216-сы ауруға байланысты бүйрек проблемаларын бастан өткергені белгілі болды. 107 адам (шамамен 50 пайызы) көз жұмды.

Сонымен қатар, бүйрек патологиясы жоқ адамдар арасында 32 адам өмірден өтті (21 пайыз).  Ғалымдар бүйрек ауруынан болатын COVID-19 өлімінің тәуелділігі вирустың организмге жалпы теріс әсерімен және улы препараттарды қолданумен байланысты деп болжады.