"Бір кубок жоқ". УЕФА белгілі футболшы Лионель Мессидің жетістігіне түзету енгізді

УЕФА өзінің ресми сайтында Аргентиналық футболшы Лионель Мессидің жетістігіне түзету енгізді. Бұл дерекке оның жанкүйерлері аң-таң деп хабарлайды Stan.kz ақпарат агенттігі Vesti.kz-ке сілтеме жасап. 

Дерекке сүйенсек, ресми сайтта Мессидің футбол карьерасында 3 мәрте чемпиондар лигасын жеңгені жазылған. Яғни үш кубокты да Барселона сапында ойнағанда алғаны көрсетіліпті.

“2008/09, 2010/11 және 2014/15 жылдары. Ал 2006 жылғы жеңісте Месси испаниялық клуб ойыншысы болса да, жасыл алаңда өнер көрсетпеді”, - деп жазылған ресми сайт дерегінде. 

Айта кетейік шабуылшы шынымен де 2006 жылғы ойында Барселона командасында болды. Бірақ жарақатына байланысты 1/8 турдан кейін жасыл алаңға шыққан жоқ. 

Десе де википедия сынды өзге ақпарат көздерінде Лионель Мессидің 4 рет кубок иесі атанғаны әлі де өзгермеген.