Балабақшадағы тарақандар мәселесі: Маңғыстау облыстық білім басқармасы мәлімдеме жасады

Маңғыстау облысы білім басқармасы Ақтау қаласындағы балабақшада тарақандар қаптауына байланысты мәлімдеме жасады, деп хабарлайды Stan.kz ақпарат агенттігі.

Көрнекі сурет

Ақтау қаласындағы балабақшада тарақандар қаптап, ата-аналар наразылықтарын жеткізуіне байланысты тексеріс жұмыстары басталды. Маңғыстау облысы әкімдігінің білім басқармасы мен аумақтық сапаны бақылауды қамтамасыз ету департаментінің өкілдері бар арнайы комиссия құрылған.

“Комиссия мүшелері балабақшаның жұмысын тексереді. Тексеру қорытындысы бойынша шаралар қабылданады”, – делінген білім басқармасының ведомоствосында.

Сонымен қатар тексеру үшін қаланың санитарлық-эпидемиологиялық қызметіне өтініш жолданды.

Естеріңізге салсақ, осыған дейін Ақтауда ата-аналар бүлдіршіндердің тіпті жастығында тарақандар кездесетін балабақшаның жабылуын талап еткені хабарланған еді.