Айбек Дәдебаев президенттің Іс басқарушысы қызметіне қайта тағайындалды
Айбек Дәдебаев Қазақстан Республикасы Президентінің Іс басқарушысы лауазымына тағайындалды, деп хабарлайды Stan.kz ақпарат агенттігі.
"Мемлекет басшысының Жарлығымен Айбек Арқабайұлы Дәдебаев Қазақстан Республикасы Президентінің Іс басқарушысы лауазымына тағайындалды", – делінген Ақорданың дүйсенбі күнгі таратқан мәліметінде.
Биылғы жылдың 11 қаңтарында Айбек Дәдебаев Президент ісінің басқарушысы болды.
Айбек Дәдебаев 1980 жылы 1 сәуірде Алматы қаласында дүниеге келген.
2001-2002 жылдары Қазақ мемлекеттік халықаралық қатынастар және әлем тілдері университетінің халықаралық туризм менеджменті кафедрасында оқытушы болып жұмыс істеген.
2008-2011 жылдар аралығында Қазақстан Республикасы Парламенті Сенаты Аппаратының парламентаралық байланыс және халықаралық ынтымақтастық бөлімінің сарапшысы, Сенат төрағасының көмекшісі міндетін атқарушы болып еңбек еткен.
2011-2013 жылдар аралығында атташе, Женевада Қазақстан Республикасының БҰҰ-дағы тұрақты өкілдігінің үшінші хатшысы болған.
Одан кейін алты жыл Парламент Сенаты төрағасы хатшылығы меңгерушісінің орынбасары, меңгерушісі лауазымдарын атқарған.
2019-2021 жылдар аралығында Президент Кеңсесі бастығының орынбасары болды.
2021 жылғы 28 мамырдан бастап 2022 жылғы 11 қаңтарға дейін Президент Іс Басқарушысының орынбасары лауазымында қызмет атқарды.
Астана әкімдігі сенбілікте пластик жинағандарға қағаз салфетка таратқан: Экологтар бұның үлкен қате екенін айтып, дабыл қақты
