"Анасы кінәлі": Павлодарда адамдардың көз алдында бес жасар бала мерт бола жаздады - Қазақстан жаңалықтары

Куәгерлердің айтуынша, биіктіктен бала көмекке шақырған, өйткені оны үйде жалғыз тастап кеткен. Анасы баланы осылайша тәрбиелеуге тырысқан екен. Бақытына орай, бала аман қалды. Төтенше жағдайлар қызметі бүлдршінді аман алып қалды.

"Баланың "көмек" деп айқайлағанын естідім. Баласы бар жас әйел келіп, айқайлай бастады "терезеден ары тұр" деп. Ол терезеден алшақтады. Содан кейін әйел ТЖД шақырды", - деді Павлодар қаласының тұрғыны Максим Шевченко.

Құтқарылған баланың анасы жағдайды камераға түсіндіруден бас тартты. Айтуынша, үлкен ұлымен дүкенге 20 минутқа кеткен, кішісін нашар мінез-құлқы үшін жазаламақ болған. Әйел қатты өкінеді, тіпті терезелерға арналған торларға тапсырыс беріп қойыпты.

Айтпақшы, бұл қаладағы бір айдағы екінші оқиға. Бұған дейін 4 жастағы бала дәрет сындыру үшін бесінші қабаттың терезесінен шыққан. Ол аман қалды. Полиция баланың психоневрологиялық диспансерде есепте тұрғанын айтты. Екі жағдайда да ата-ана міндеттерін орындамағаны үшін аналарға айыппұл салынады.

"Қазіргі уақытта полиция қызметкерлері материалдарды ювеналды сотқа тарту және жіберу үшін жинап жатыр. Сондай-ақ әкімшілік жауапкершілікке тарту үшін", - деді Павлодар қаласы полиция басқармасының ЖПҚ бөлімінің бастығы Арман Қаптаев.

Бірақ жазалау әрқашан бола бермейді дейді полицияда. Құтқарушылар тек қауіп туралы ескертіп, ұсыныстар берумен шектеледі. Бірақ тәжірибе көрсеткендей, бұл бейқам ата-аналарға әсер етпейді.

"Мен ата-аналардан кішкентай балаларын бақылауын жасауды сұраймын. Балаларды қорғау мақсатында терезелерге құлыптар қою керек. Өткен жылы терезеден 6 бала құлап кетті. Олардың үшеуі қаза болды", - деді облыстық ТЖД өрт сөндіру және авариялық-құтқару жұмыстары қызметі бастығының орынбасары Сергей Чернев.

Биыл аймақтағы екі бала терезеден құлаған. Құтқарушылардың айтуынша, ағаштар соққыны жеңілдеткен. Балалар тірі, бірақ жарақат алған.

Талқылау

Çàãðóçêà...