Алматыдағы тәртіпсіздіктерге қырғызстандық азаматтардың қатысын дәлелдейтін айғақтар табылмады
Қазақстанда Алматыдағы тәртіпсіздіктерге қырғызстандық азаматтардың қатысқаны туралы айғақтар табылмады, деп хабарлайды Stan.kz ақпарат агенттігі. Бұл жөнінде ҚазТАГ қырғыз телеграф агенттігіне сілтеме жасап жазады.
"Алматы қалалық прокурорының орынбасары Нұрлан Ауғанбаевпен тілдесу барысында ағымдағы жылдың қаңтар айындағы Қазақстан Республикасындағы тәртіпсіздіктерге Қырғызстан азаматтарының қатысқаны туралы деректер жоқ екені атап өтілді", – дейді Қырғызстан омбудсмені кеңсесінің басшысы Асқат Азарбеков.
Ол Қырғыз Республикасының көптеген азаматтары Қазақстанда еңбек ету мақсатымен жүргеніне және оқиғалар ортасында жағдайды тұрақсыздандыруға қатысу үшін емес, қарапайым қызығушылықтың арқасында қалып қойғанын қосып өткен.
- Алматыдағы тәртіпсіздік кезінде қырғыз азаматы қаза тапты
- "Айтқандарымның барлығы жалған": Қазақстанда ұсталған қырғызстандық музыкант өзін не үшін айыпты етіп көрсеткенін түсіндірді
"Сонымен қатар біз ешбір жағдайда өз азаматтарымыздың қылмысқа қатысты екенін біле тұра оларды ақтап ала алмаймыз. Бірақ олардың тікелей кінәсі немесе Қазақстан Республикасының заңнамасын бұзуға қатысы азаптау және қорлау арқылы емес, заңды түрде дәлелденуі тиіс", – деп атап өткен Азарбеков.
Еске салайық, бұған дейін Қазақстанның мемлекеттік телеарнасы 2 қаңтарда оған Алматыға билет сатып алып, митингілерге қатысқаны үшін Қырғызстаннан 90 000 теңге алуға келгенін айтқан азаматты көрсеткен. Эфирден шыққан адамның бірден қырғыз музыканты Викрам Рузахунов екені белгілі болды. Мұнымен қоса Қырғызстанның арнайы қызметі джазменнің Алматыдағы билетін 16 желтоқсанда сатып алғанын мәлімдеген. Көпшілік арасында туған шудан кейін Рузахунов отанына оралған. 10 ақпанда музыкант өзін қазақстандық күш құрылымдары азаптап, өлімнен әрең аман қалғаны туралы айтып берді.