Алматыда зейнеткерлерді өлтірген қылмыскер өмір бойына түрмеге тоғытылды

Алматыда екі зейнеткерді өлтірген қанды қол қылмыскер өмір бойына бас бостандығынан айырылды. Бұл туралы қалалық қылмыстық істер жөніндегі мамандандырылған ауданаралық сотта айтылды, деп хабарлайды Stan.kz ақпарат агенттігі. 

Сотта екі зейнеткерді пайдакүнемдік ниетпен өлтіру және оларға қарақшылық шабуыл жасау фактісі бойынша қылмыстық іс қаралғаны хабарланды.

"Сот 2020 жылдың шілдесінде сотталушы О. автокөлік сатып алу түрінде зейнеткерлердің, ерлі-зайыптылардың пәтеріне заңсыз кіріп, оларға кенеттен шабуыл жасап, пышақпен қорқытып, ақша талап ете бастағанын анықтады. Қарт адамдар қарсылық көрсете бастады, сол кезде сотталушы дененің әртүрлі бөліктеріне көптеген пышақ салды, олар сол жерде қайтыс болды. Кейіннен сотталушы О. 500 доллар, 360 мың теңге ақша қаражатын және ұялы телефонды ұрлап кеткен", - деді қалалық соттың баспасөз қызметі.

Сотта прокурор сотталушыдан 20 жылға бас бостандығынан айыруды сұрады, ал жәбірленушілер өмір бойына бас бостандығынан айыру туралы ұстанымын айтты. Сотталушы кінәсін ішінара мойындады, деп хабарлады баспасөз қызметі.

"Сот үкімімен О. екі адамды өлтіргені және қарақшылық жасағаны үшін кінәлі деп танылып, оған өмір бойына бас бостандығынан айыру түріндегі ең қатаң жаза тағайындалды.

​Мұндай қатаң жаза сотталған адам бұрын қарақшылық үшін сотталған және өзі үшін тиісті қорытынды жасамағандықтан тағайындалды, зейнеткерлер 81 және 89 жаста еді", - деп толықтырды Департамент.

Үкім заңды күшіне енген жоқ.