Алдағы күндері Қазақстанның басым бөлігінде күн ашық болады
Қазақстан аумағының басым бөлігі антициклонның ықпалында болып, күн ашық және бірқалыпты жылы болады деп күтілуде, деп хабарлайды Stan.kz ақпарат агенттігі.
Бұл туралы "Қазгидромет" РМК баспасөз қызметі мәлімдеді.
Синоптиктердің мәліметінше, еліміздің оңтүстігі мен оңтүстік-шығысында атмосфералық қысымның төмен болуынан күн бұлтты болады, найзағай жарқылдап, жаңбыр жауады.
Республика бойынша тұман түседі деп күтілуде, оңтүстік-батыста шаңды дауыл соғады, оңтүстікте және оңтүстік-шығыста жел күшейеді. Жылдың осы уақытында температуралық фон қолайлы болады.
Осыған дейін Астанада Наурыз мейрамында күн жылынады деп хабарланған болатын.
Талқылау