Ақтауда жағалаудың символы болған пальма ағаштары алып тасталды
Ақтау қаласының теңіз жақ жағалауын қалпына келтіру жобасын әзірлеу басталды. Әкімдік ағаштың бұтағы сынып, басқаларын жел ұшырып әкеткенін айтты. Бұл туралы Stan.kz ақпарат агенттігі Lada.kz порталына сілтеме жасап хабарлайды.
Фото: Lada.kz
Мәліметтерге сенсек, қаладағы тұрғын үй-коммуналдық шаруашылық бөлімінің қызметкерлері 2019 жылы орнатылған жасанды пальмалар жаңа абаттандыру жобасына кірмейтінін айтқан.
Жасанды ағаштар бұрын қыста ауа райының бұзылуынан қорғау үшін тормен қорғалған. Бірақ уақыт өте келе бұтақтары сынған немесе желмен ұшып кеткен көрінеді.
Бүгінде жағалауға сән берген жасанды пальма ағаштарын қалыпқа келтіретін материалдар жоқ екен. Ал жергілікті билік оларды қайта құру жоспарынан алып тастау туралы шешім қабылдаған.
Еске салайық, бұған дейін вандалдар Үлкен Алматы өзенінің бойында отырғызылған ағаштарды сындырып кеткенін жазған едік. Жергілікті тұрғындар бұзақылық жасағандарды ұстауды талап етіп отыр. Қала әкімдігі белгісіз біреулердің 30-дан астам көшетті сындырып кеткенін мәлімдеді. Полиция қызметкерлері оқиға куәгерлерінен сұхбат алып, бейнебақылау камерасындағы бейнелерді зерттеп жатыр. Сынған ағаштар жарамсыз болғандықтан, күзде мердігер компанияның көмегімен көшеттерді ауыстырмақ.