Ақтауда отшашу атқандар көршісінің үйін өртеп жібере жаздады (видео)
Ақтауда үйдің ауласында атылған отшашу пәтерлерінің біріне кіріп кетіп, өрт шықты. Бұл туралы Stan.kz ақпарат агенттігі хабарлайды.
Видеодан скрин
Әлеуметтік желіде көпқабатты үйдің тұрғындарының отшашу атып, сол маңдағы пәтердің өртеніп кетуіне себепкер болғаны туралы видео тарады. Кадрлардан балалар айғайлап жатқанын естеуге болады.
Маңғыстау облысының төтенше жағдайлар департаменті пәтер иелері өрт сөндірушілерді шақырмағанын, бірақ видеоны көрген бригаданың оқиға орнына тексеруге барғанын хабарлады.
-
"Қорыққан итті көлік басып кеткен": Отшашулар не себепті үй жануарлары үшін қауіпті
-
"Қаншама адам отшашудан күйді": Сара Тоқтамысова жаңа жылда оқыс оқиғаға тап болмауға кеңес берді
"Оқиға қаланың 7-шағын ауданында түнгі сағат 23:37 шамасында орын алған. Төтенше жағдай департаментінің күштері мен құралдары тұрақты орналастыру орындарына қайтарылды", – делінген департамент хабарламасында.
Еске салсақ, бұған дейін Алматы облысында отшашу тиелген жүк көлігі өртеніп кеткені туралы жазған едік.