Қазіргі әлем жағдайында жергілікті нарықтарға қауіп төндірген жаһандануға глокализация жауап болып отыр. Сарапшылар кез келген нарықтың жабылуын және оны сыртқы әсерлерден қорғау мүмкін емес екенін әрі бұл жағдайдан шығу үшін өз орныңызды уақытында тауып, сол үрдіске барынша ілесіп кету керегін жақсы түсінеді.

Оған қоса соңғы оқиғалар аясында Қазақстан еуразиялық кеңістіктегі ірі хабқа айналу мүмкіндігін алды. Бұл жарнама нарығын қоса алғанда, отандық экономикаға қосымша преференциялар әкеледі.

Орталық Азия Жарнама қауымдастығы ұйымдастырған ADTribune конференциясы осы орайда 400-ге жуық жарнама саласының мамандарын офлайн режімде басын қосты. Спикерлердің сөздері мен онлайн талқылаулары тіпті 23 000-нан астам қаралған.

Бір күн ішінде 48 спикер мен модератор сөз сөйлеп, конференцияға қатысушылар мен қонақтар 15 баяндама тыңдап, 6 пікірталас панеліне қатысты. Олар саланың ең маңызды тақырыптарын талқылады.

Конференция барысында медиа-жарнама нарығының I тоқсанындағы қорытындылары айтылды. Сарапшылар тарату құралдарындағы жарнаманың жиынтық көлемі: теледидар, интернет, сыртқы жарнама, радио, баспасөз құралдарын қоса алғанда жылдың алғашқы үш айында шамамен 17,3 миллиард теңгені (ҚҚС есебімен) құрағанын атап өтті. Бұл өткен 2022 жылдың сәйкес кезеңімен салыстырғанда 26%-ға көп.

Сондай-ақ ADTribune-де ірі медиа сатушылар, сыртқы жарнама операторлары мен жарнама агенттіктерінің өкілдері индустриялық стандарттарға қол қойды.

Индустриялық стандарттарды енгізу кімдердің осы талапқа дайын екенін және тиімді серіктестік құруға болатынын көруге мүмкіндік береді. Сондай-ақ осы талап аясында ұсынылатын қызметтердің сапасы, әділ бәсекелестік және әділ құн стандарттары қалыптастырылатын болады. Бұл, өз кезегінде, жарнама берушілердің, клиенттердің және тұтынушылардың жарнама индустриясына деген сенімін арттырады және болашақта саланы мемлекеттік реттеу деңгейін төмендетуге көмектеседі.

Құжаттың қол қойылған нұсқасы негізгі болып табылатынын және Қауымдастық мүшелерінің келісімі бойынша одан әрі пысықтауды, өзгертулер мен толықтыруларды көздейтінін атап өткен жөн.

ADTtribune-2023 қатысушылары креативті экономиканың қалай жұмыс істейтінін, оның болашағы қандай және адам капиталы бизнестің осы саласына қалай әсер ететінін талқылады.

"ЖИ - Шекарасыз ынтымақтастық" панелі барысында ITCOMMS агенттігі баспасөз хабарламасын орыс және ағылшын тілдерінде және жақын уақытта қазақ тілінде тегін дайындайтын құралын әзірлегенгеніне тоқталды.

Конференцияда E+ Awards Орталық Азия аймағындағы бірінші тиімділік сыйлығын жеңіп алған брендтер мен агенттіктердің өкілдері байқауда ең жоғары марапатқа қалай ие болғанын және бұл үшін не қажет екенін айтып берді. Сондай-ақ өз кейстерін көрсетті.

Іс-шарада тіл мәселесіне де баса мән берілді. Дерекке сүйенсек, еліміздегі 50 жасқа дейінгі халықтың 60%-дан астамын қазақтар құрайды екен. Әрі қазақ тілін ел ішінде, әсіресе жас және орта буын арасында қарым-қатынас тілі ретінде одан әрі күшейтуді жалғастыру мәселесі қозғалды. Сонымен қатар, халықтың көп бөлігі қазақ тіліндегі жарнаманы түсінетіні, қазақ тіліндегі мазмұн тұрақты түрде танымал болып келе жатқаны да қамтылды. Ал SEO тұтынушылардың сайттың қазақ тіліндегі нұсқасында ақпаратты белсенді оқитынын көрсетті.

Сарапшылар "жергілікті платформалардың жаңа деңгейге қалай шығуы" және "жергілікті нарық үшін пайдасы бар жаһандық платформаларды біріктіру" тақырыптары бойынша өз түсініктері мен мысалдарымен бөлісті.

Сыртқы жарнама операторларының өкілдері K Research зерттеушілерімен бірге бірыңғай мониторинг пен аудиториялық өлшеулерді енгізу қажеттілігі мен мүмкіндіктері туралы пікірталас өткізді.

"ADTribune конференциясы кеше ғана басталғандай еді. Биыл бесінші жыл бас қосып отырмыз. Бұл конференция біздің сала үшін аса қажет. Бұған қол жеткізгенімізге қуаныштымыз және мақтан тұтамыз", – деді Орталық Азиялық жарнама қауымдастығы кеңесінің төрағасы, DASM тобының тең иесі Дмитрий Маров.

ADTribune-2023 конференциясы Admixer Central Asia, Go Mobile және TV Media Digital Sail ұйымдастырған кешпен аяқталды. Іс-шараға қатысушылар бейресми кездесу нәтижесінде және нетворкинг аясында ерекше серпін алды. Әрі конференцияның үздік спикерлері мен модераторларының аттарын білді.

ADTribune – 2023 медиа-жарнама конференциясын Орталық Азия жарнама қауымдастығы ұйымдастырды.

Бес серіктес – Forte Bank.

Серіктестер – Яндекс Жарнама, TV Media Advetising Agency, International Media Service, BEHYPE, EZ Solutions, TV Media Digital Sail, Tribune.kz, КТК, Zakon.kz, Weproject.Media, BIZ Media, Optimism.kz, Qazaqpress, Stan.kz, NUR.kz, Almaty.tv.

Талқылау