Қытайда студенттің өліміне қатысты Baidu іздеу жүйесінің жұмысын тексеріп жатыр
Қытайда орган қызметкерлері Baidu іздеу жүйесінен қатерлі ісіктен жазылудың жолдарын іздеген студенттің өліміне қатысты тергеу жұмыстарын жүргізіп жатыр.
Сурет: AFP
21 жастағы Вэй Цзэси Сиандағы Сидянь университетінде информатика пәні бойынша білім алған. Ол сәуір айында көз жұмды.
Студентке синовалды саркома диагнозы 2014 жылы қойылып, ол ауруханада іздеу жүйесінің жарнамалаған дәстүрлі емес ем түрімен емделген.
Компанияның өзі жариялағандай олар ауруханада тергеу жүргізілуіне қатысты арыз жазған.
«Біз болған жайтқа өкінеміз. Және Вэй Цзэси отбасына көңіл айтамыз», – дейді компания өкілдері. Олар осы мәселеге қатысты ішкі тексеру жұмыстарының тездетіп жүргізлуі керек екенін айтады.
Baidu негізінен іздеу жүйесіне құрылған Қытай компаниясы. Оны ел арасында қытайлық Google деп те атайды.
Талқылау