Жасанды жолмен жүкті болған әйел өзге нәсілді баланы өмірге әкелді
АҚШ-тың Нью-Джерси штатында бұрынғы ерлі-зайыптылар репродуктивті емхананы сотқа берді, өйткені қолдан ұрықтандыру процедурасынан кейін әйелі басқа ер адамның баласын өмірге әкелді.
Кристина Кеддерич пен Дрю Василевски баласының азиаттықтарға тән қасиеттерін көргенде, басқа біреудің қызын тәрбиелеп жатқанын түсінген. Ата-ананың екеуі де еуропа нәсілінің өкілдері. Олар процедура барысында өздерінің генетикалық материалдары пайдаланылғанына сенімді болды.
Ерлі-зайыпты медициналық қателік отбасындағы келіспеушілікке, кейінірек ажырасуға әкелді деп сендіреді. Кейінірек ДНҚ талдауы Василевскидің қыздың биологиялық әкесі емес екенін дәлелдеді. Бұрынғы ерлі-зайыптылар дәрігерлердің қызметіне 500 мың доллар жұмсаған.
«Қызды жақсы көретініне қарамастан, олардың баланың генінің қандай екенін білуге құқығы болды. Бұл кішкентай қыздың өзінің генетикалық тарихын білуге, туыстарының қандай ауруы болғанын білуге құқығы бар», - дейді ерлі-зайыптының адвокаты Дэвид Мази.
Сот емхананы ерлі-зайыптыларға ұрық донорларының тізімін, сондай-ақ қателік болған кезде емханада жұмыс істеген дәрігерлердің тізімін жіберуге міндеттеді.