Жарысқа бара жатып, жол апатына ұшыраған оқушылар Ақтөбедегі ауруханаға жеткізіледі

Олимпиадаға барар жолда жол апатынан зардап шеккен үш оқушы Ақтөбеге жеткізіледі. Бұл туралы Stan.kz ақпарат агенттігі хабарлайды. 

Туыстарының өтініші бойынша оларды облыстық балалар ауруханасына жатқызады. Онда шамамен 10 күн бойы олар нейрохирургиялық бөлімде ем алады. Балаларға психологиялық көмек көрсетілмек.

Балаларды Ақтөбе ауруханасына патрульдік машиналардың сүйемелдеуімен реанимобильдермен алып келеді деп күтілуде.

Үш оқушы ми жарақатын алып, миы шайқалып, көгерген. Апат Ырғыз ауданында болған. Жаныс би ауылындағы Теміртау орта мектебінің екі оқушысы және олардың география пәнінің мұғалімі апаттан қаза тапты.

Балалар Ырғызда ұйымдастырылған аудандық олимпиадаға қатысуы керек еді, бұл олардың туған ауылынан 40 шақырым жерде. Алайда орта жолда мектеп оқушылары алып жүрген минивэн қарсы жолда жүк көлігімен соқтығысқан. Оқушылармен көлік полицейлердің сүйемелдеуінсіз жүрді.

Олар жолға шыдай алады. Негізінде, орташа ауырлықтағы балалардың өмірлеріне қауіп төніп тұрған жоқ. Оларды облыстық нейрохирургиялық бөлімшеге балалар стационарына көшіру туралы шешім қабылданды. Қосымша тексеріліп, одан әрі емдеу сол жерде жалғасады”, – деді денсаулық сақтау басқармасы басшысының орынбасары Бекболат Ізбасаров.

Бұған дейін Ақтөбе облысында олимпиадаға бара жатқан мұғалім мен оқушылар жол апатынан көз жұмғаны айтылды.