Жаңа Škoda Superb Қазақстанда ресми түрде сатыла бастады

Škoda брендінің Қазақстандағы ресми дистрибьюторы — "Allur" автокомпаниясының құрамындағы "Прага Авто" компаниясы жаңа Škoda Superb моделі сатыла бастағанын хабарлады. 

Škoda Superb — бұл бизнес-класстағы кең әрі заманауи лифтбэк. Бұл автокөлік иесінің өмір салты мен мақсатына сай келіп, оған еуропалық инженерлік шешімдердің жоғары деңгейін, жайлы, қауіпсіз және кеңейтілген пайдалы кеңістікті ұсынады.

Қазақстан нарығында бұл моделдің екі түрі ұсынылады. Біріншісі — алдыңғы жетекпен істейтін, 4 цилиндрлі, 2.0 литр турбо-бензин қозғалтқышы бар, 190 аттың күшіне ие модель. Екіншісі — толық жетекпен істейтін, 2.0 литр турбо-бензин қозғалтқышы бар, 265 аттың күшіне ие автокөлік. Екі нұсқаға да 7 сатылы роботтандырылған DSG қорабы орнатылған. Бұл көліктің қозғалыс мүмкіндігін толық сезінуге мүмкіндік береді.

Алдыңғы жетекті модель 100 км/сағ жылдамдыққа 7,8 секундта, ал толық жетекті нұсқа 5,6 секундта жетеді. Көліктің ең үлкен айналу күші  320-дан 400 ньютонметрге дейін болады. Дистрибьютор өкілдерінің сөзінше, жаңа Superb жанармайды үнемді пайдаланады: автокөлік орта есеппен 100 шақырымға 7,6 литр жанармай жұмсайды.

Көліктің ұзындығы — 4912 мм, ені — 1849 мм, биіктігі — 1481 мм. Мұндай көлік жүргізуші мен барлық жолаушыға кең әрі жайлы орын береді. Жүк салатын орынның көлемі — 589 литр. Ал доңғалақтар арасындағы қашықтық — 2841 мм.

Жүргізушілерді көліктің сырт көрінісіндегі матрицалық LED жарықтары және артқы жағындағы жанып-өшіп тұратын анимациялық жарық диодты шамдары қарсы алады. Үлкен және қуатты радиатор торы мен тегіс, үйлесімді сызықтар көліктің стилін ерекше әрі заманауи етіп көрсетеді. 

Көліктің ішкі көрінісі сәнді әрі ыңғайлы етіп жасалған. Мұнда сапалы материалдар мен жаңа технологиялар қолданылған. Салонда былғарыдан жасалған, суық кезде жылытатын әрі ыстық кезде желдететін, массаж жасайтын, жастықты ыңғайлайтын қызметтер қосылған орындықтар бар. Алдыңғы орындықтарды электр қуатымен оңай қозғалтуға болады және орындық сізге қалай ыңғайлы болатынын есте сақтап қалады. 

Жүргізушілерге көліктің цифрлық аспаптар панелі мен бас дисплейі өте ыңғайлы (Head-up), ол жерден барлық маңызды мәліметті оңай алуға мүмкіндік береді. Көлікте дыбыс 8 динамикасы бар аудиожүйе немесе 14 динамикасы бар Canton cапалы аудиожүйесі арқылы шығады. Бұл таңдаған жинаққа байланысты. Мультимедиялық жүйенің 13 дюйм болатын үлкен экранына SmartLink технологиясы қосылған.

Екі жинақтамада да үш аймаққа бөлек-бөлек бапталатын Climatronic климат-бақылау жүйесі, аяғыңды тигізбей-ақ ашып-жабуға болатын виртуал жүйе, көлікті жан-жағынан толық көрсететін Area View камера жүйесі, KESSY Full кілтсіз кіру жүйесі және 18 дюйм болатын жеңіл қорытпадан жасалған дискілер бар.

Škoda Superb қауіпсіздік ойынша ең жоғары бағаны алды. Euro NCAP ұйымы бұл модельге "5 жұлдыз" деген жоғарғы рейтинг берді. Бұл барлық жолаушының жоғары деңгейде қорғалғанын білдіреді. Көліктің сыртқы қаңқасы өте берік болаттан жасалған, ал бұл жолда келе жатқанда да, ойлы-қырлы қиын жерлерде де көлікті сенімді басқаруға және жолаушыларды жақсы қорғауға көмектеседі. Сонымен бірге көлікте жүргізушісі мен жолаушылардың қауіпсіздігі үшін 10-ға дейін қауіпсіздік жастықшасы бар.

Еске сала кетейік, Škoda — Қазақстанда құрастырылатын жалғыз еуропалық бренд. Жаңа Superb моделі қазірдің өзінде Қостанайдағы Allur зауытында жинақталып жатыр.

"Көпшіліктің көңілінен шыққан, Қазақстандағы автосүйер қауым жақсы көретін Superb моделі біздің нарыққа қайта оралды. Біз осы аңызға айналған көліктің заманауи үлгісін, ең жоғары деңгейдегі премиум опцияларымен бірге ұсынып отырғанымызға қуаныштымыз. Бұл көлік әр адамға өзінің өмір салты мен мәртебесін көрсетуге мүмкіндік береді", – деді Prague Auto компаниясының коммерциялық директоры Андрей Тананыкин.

Škoda Superb бағасы 21 490 000 теңгеден басталады. Қазақстан нарығында бұл модельді қазірдің өзінде сатып алуға болады — көлік алдыңғы және толық жетекті нұсқаларда, Selection және Laurin&Klement жинақтамаларында ұсынылған.

Қазақстанда бұл көлікке 3 жыл немесе 100 000 шақырым жүріп өтетін жол кепілдік беріледі. Қайсы бірінші бітеді, сол бірінші есепке алынады. Бірақ алғашқы 2 жыл ішінде көліктің қанша жүргені есепке алынбайды. Бұл кезеңде шектеусіз кепілдік бар.

Superb және басқа Škoda көліктері туралы толық мәліметті Қазақстандағы ресми автосалондардан немесе дистрибьютордың ресми сайтынан біле аласыз.