Жағдайы ауыр: Балқаш гарнизонында офицер жараланды

Балқаш гарнизонында офицер ауыр жараланды, деп хабарлайды Stan.kz ақпарат агенттігі.

Бұл туралы қорғаныс министрлігі мәлімдеді.

"30 мамырда Балқаш гарнизонында қарумен жұмыс істеу кезінде қауіпсіздік шараларын бұзу салдарынан офицер жараланды. Зардап шегушіге қажетті медициналық көмек көрсетілуде. Дәрігерлер әскеридің жағдайын ауыр деп бағалап отыр", - делінген хабарламада.

• "Тек ақша сұраумен болған": Алматыда әскерге сау кеткен сарбаз психиатриялық ауруханадан бір-ақ шықты

• "Құлақ, тоқылдақ деп мазақ қылған": Жамбыл облысында әскерде қаза тапқан сарбаздың анасы әділдік іздеуде

Аталған факті бойынша сотқа дейінгі тергеу жұмыстары басталғаны атап өтілді. Оқиғаның себептері мен мән-жайын анықтау үшін қорғаныс министрінің нұсқауымен гарнизонға арнайы комиссия жіберілді.

"Қылмыстық іс жүргізу кодексінің 201-бабына сәйкес өзге де мәліметтер тергеу мүддесі үшін жария етілуге ​​жатпайды", - деп толықтырды ведомстводан.