"Кездесудің көп бөлігі Путинмен әңгімеге негізделді. Онда Ресей мен Украинаның талаптары мен қажеттіліктері талқыланды. Біз дұрыс бағытта келе жатырмыз", – деді Трамп.

Зеленский Х әлеуметтік желісінде бұл әңгімені "оң, мазмұнды және ашық" деп сипаттады.

"Президент Трамп Путинмен сөйлескендегі негізгі мәселелерді айтты. Соғысты толық тоқтатудың алғашқы қадамдарының бірі – энергетикалық және басқа да азаматтық инфрақұрылымға жасалатын шабуылдарды тоқтату болуы мүмкін. Мен бұл қадамды қолдадым және Украина оны жүзеге асыруға дайын екенін растады", – деді Зеленский.

Трамп өзі сайланған уақыттан бері Путинмен екінші рет телефон арқылы сөйлесті. Бұл кездесудегі басты жаңалықтардың бірі – Трамптың Украина мен Ресейдегі энергетикалық нысандарға шабуыл жасауды уақытша тоқтату туралы мораторий жариялау ұсынысы болды.

Алайда сәрсенбіде Украина мен Ресей бір-бірін пилотсыз ұшқыштармен (дрондармен) энергетикалық нысандарға соққы берді деп айыптады. Бұл Трамптың бастамасына қайшы келді.

Зеленский бұл мораторийді тағы да қолдап, екі елдің командалары бұл мәселені Сауд Арабиясының Джидда қаласында талқылағанын айтты.

АҚШ-тың ұсынысы және Украина оны қалай қабылдады?

Зеленский Х әлеуметтік желісінде Америка майдан шебінде оқ атуды толығымен тоқтату туралы шарт ұсынғанын жазған еді.

"Украина бұл ұсынысты қабылдады. Сондай-ақ шайқас алаңындағы жағдай туралы жаңартылған ақпаратты және Ресей шабуылдарының салдарын баяндадым", – деп жазды.

АҚШ шенеуніктерінің қосымша мәліметтері:

Кейін Ақ үйдің мемлекеттік хатшысы Марко Рубио мен ұлттық қауіпсіздік жөніндегі кеңесші Майк Уолтцтың атынан осы келіссөздер туралы егжей-тегжейлі баяндама жариялады.

Зеленский АҚШ-қа алғысын білдірді.

Рубио мен Уолтц Зеленскийдің Трамптың алғашқы президенттік мерзімінде Украинаға Javelin танкке қарсы зымырандарын жеткізгені үшін алғыс айтқанын атап өтті.

Курск облысындағы жағдай.

Америкалық шенеуніктердің айтуынша, Украина мен АҚШ Курск облысындағы жағдайды талқылап, қорғаныс штабтары арасында тығыз ақпарат алмасуға келісті.

Украина әуе қорғанысын күшейтуге сұраныс жасады.

Зеленский Украинадағы бейбіт тұрғындарды қорғау үшін АҚШ-тан қосымша әуе қорғаныс жүйелерін, әсіресе Patriot зымыран кешендерін сұрады. Трамп бұл мәселеде көмек көрсетіп, әсіресе Еуропада бар жүйелерді іздестіретінін айтты.

Энергетика саласындағы уақытша бітім және келіссөздер.

Екі ел басшылары энергетикалық инфрақұрылымға шабуыл жасауды ішінара тоқтату туралы келісімге келді. Техникалық топтар Сауд Арабиясында кездесіп, бұл бітімді Қара теңіз аймағына кеңейту арқылы соғысты толық тоқтатуға жол ашу мәселесін талқылайды.

АҚШ-тың Украинадағы электр станцияларын басқару ұсынысы.

Трамп Украинадағы атом электр станциялары мен жалпы энергетикалық инфрақұрылым туралы айтып, АҚШ бұл саланы басқаруға көмектесе алатынын айтты.

"АҚШ-тың энергетика және коммуналдық қызметтер саласындағы тәжірибесі бұл станцияларды қорғаудың ең жақсы шешімі болар еді", – деді Трамп.

Шольц пен Макрон алдағы уақытта да Украинаға әскери көмек көрсетуге уәде берді

Трамп пен Путин екі сағаттан астам уақыт телефонмен сөйлесті: Не айтылды

"Мәлімдемелерге қарамастан екі ел соққы жасауды тоқтатпады"

19 наурызға қараған түні, яғни Трамп пен Путиннің телефон арқылы сөйлескеннен кейін, Ресей 12 украин аймағына дрон шабуылын жасады. Бұл туралы Украина қарулы күштерінің әуе күштері хабарлады.

Ресейдің соққылары:

Сумы қаласында дрон облыстық клиникалық аурухананың шатырына құлады.
Днепропетровск облысында темір жолдың энергетикалық
Киев облысында дрондардың қалдықтары 20 таунхаус пен 15 жеке үйге зиян келтіріп, екі адам жарақат алды.

Украинаның соққылары:

Ресей билігі Украина Қарулы Күштері Краснодар өлкесіндегі ірі мұнай базасына шабуыл жасағанын және бұл нысан халықаралық мұнай құбырына қызмет көрсететінін мәлімдеді. Мәскеу Киевті Трамптың бастамасын елемеді деп айыптады. Ресей Қорғаныс министрлігі Николаев облысындағы энергетикалық нысанға шабуылды тоқтатқанын және Путиннің соққыларды кейінге қалдыру туралы бұйрығын естіген соң өз дрондарын атып түсіргенін мәлімдеді.

Зеленскийдің мәлімдемесі

Зеленский Трамппен сөйлескеннен кейін Украина мен АҚШ командалары алдағы күндері Сауд Арабиясында кездесуге дайын екенін айтты.

"Украиналықтар бейбітшілікті қалайды, сондықтан Украина оқ атуды толық тоқтату туралы ұсынысты қабылдады", – деп жазды Зеленский.

Сауд Арабиясындағы келіссөздер және Ресейдің рөлі

Сауд Арабиясында АҚШ пен Ресейдің келіссөздері де өтеді деп жоспарланып отыр. АҚШ президентінің ұлттық қауіпсіздік жөніндегі кеңесшісі Майк Уолтц Ресей президентінің кеңесшісі Юрий Ушаковпен телефон арқылы сөйлесіп, Трамптың ұсыныстарын талқылады.

"Біз техникалық топтарымыздың жақын күндері Эр-Риядта кездесіп, Трамптың Ресеймен жасаған ішінара бітімгершілік келісімін жүзеге асыру және кеңейту жолдарын талқылайтынына келістік", – деп мәлімдеді Уолтц.

Еске салайық, бұған дейін 28 ақпанда Украина президенті Владимир Зеленский Ақ үйге АҚШ президенті Дональд Трамппен кездесіп, Украина ресурстары туралы мәселені шешу үшін келген еді. Алайда кездесу барысында екі президент сөзге келіп, Зеленский Ақ үйден шығып кеткен. Ал АҚШ осы әрекеті үшін Зеленскийді сынап, мәлімдеме жасаған. Осыдан соң Трамп жанжалдан кейін Зеленскийден кешірім сұрауды талап етті.

Талқылау