Ұлттық киноны қолдау орталығының басшысы сыбайлас жемқорлыққа күдікті ретінде тергелуде
Ұлттық киноны қолдау орталығының басшысы тергелуде. Бұл туралы ҚР сыбайлас жемқорлыққа қарсы іс-қимыл агенттігі 1-ші департаментінің аса маңызды істер жөніндегі тергеушісі Данияр Биғайдаров мәлімдеді, деп хабарлайды Stan.kz ақпарат агенттігі.
"Сыбайлас жемқорлыққа қарсы қызмет мемлекеттік бюджеттен қаржы бөлуге, орындалған жұмыстардың актілеріне қол қоюға көмектескені үшін аса ірі мөлшерде пара алу фактісі бойынша, сондай-ақ жалпы қамқорлығы пен салғырттығы үшін "Ұлттық киноны қолдау мемлекеттік орталығы" КЕАҚ басқарма төрағасына қатысты сотқа дейінгі тергеу жүргізілуде", - деді ол онлайн брифингте.
Биғайдаровтың айтуынша, күдіктінің кінәсінің деңгейі туралы шешімді сот шығарады.
"Тергеу мүдделері үшін басқа ақпарат жария етілмейді", - деді Данияр Биғайдаров.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"