ҰҚК украиналық "тролльдер фабрикасының" қаңтар оқиғасымен байланысын тексереді
Қазақстанның Ұлттық қауіпсіздік комитеті қаңтардағы тәртіпсіздіктерге украиндық "троллдер фабрикасының" қатысы бар деген ақпаратты тексеріп жатыр, деп хабарлайды Stan.kz ақпарат агенттігі.
Бұл туралы Мәжіліс отырысында ҰҚК төрағасының орынбасары Асқар Әмерханов мәлім етті.
RaHDIt тобының хакерлерінің бірі Украинаның 83-ші ақпараттық-психологиялық операциялар орталығы 2022 жылдың басында Қазақстанда наразылық акцияларын ұйымдастыруға қатысқанын хабарлады. Оның айтуынша, Украинада төрт бірдей орталық құрылған.
"Қаңтар оқиғасына қатысты тергеу жан-жақты жүріп жатыр. Біз барлық ақпаратты мұқият тексеріп жатырмыз. Бұл ақпаратты біржақты тексеріп, түсініктеме береміз", – деді Әмерханов.
Талқылау
Пікір