ҰБТ-да екі пән бойынша шекті балл төмендетілді

Ұлттық бірыңғай тестілеуде екі пән бойынша шекті балл төмендетілді. Бұл туралы Stan.kz ақпарат агенттігі хабарлайды. 

 Ұлттық тестілеу орталығының мәліметінше, ҰБТ форматы: 5 пән (3 міндетті + 2 бейіндік). 

• Математикалық сауаттылық – 10 тапсырма, шекті балл – 3;
• Оқу сауатталығы – 10 тапсырма, шекті балл – 3;
• Қазақстан тарихы – 20 тапсырма, шекті балл – 5;
• 1 бейіндік пән – 40 тапсырма, 50 балл, шекті балл – 5;
• 2 бейіндік пән – 40 тапсырма, 50 балл, шекті балл – 5.

Айта кетсек, бұған дейін ғылым және жоғары білім министрі Саясат Нұрбек 2024 жылғы ҰБТ форматына енгізілетін өзгерістер туралы айтқан болатын.

Оның айтуынша, 2024 жылғы ҰБТ-да тест сұрақтарының саны өзгереді, сондай-ақ бейіндік пәндерге жаңаша тапсырмалар қосылып, тестілеу уақыты қысқарады.