Дыбыстық хабарламаға қатысты: WhatsApp-та жаңа функция пайда болады

WhatsApp мессенджерінде дыбыстық хабарлама жиі жіберетіндер үшін ыңғайлы опция пайда болады, деп хабарлайды Stan.kz ақпарат агенттігі WABetaInfo қызметіне сілтеме жасап. 

Енді пайдаланушылар дыбыстық хабарлама жолдап жатқан кезде тоқтап, кідіріс жасай алады.

Бұл функция хабарламаны бір хат түрінде жолдауға мүмкіндік береді, яғни ойды аяқтау үшін жаңа хабарлама жолдап әуре болмайды. Бұл екінші тарапқа да тиімді болып отыр, себебі екінші адам да бір ғана хабарлама алады.

Дыбыстық хабарламаны жазу интерфейсіне кідіріс түймесі қосылады, оны басқан кезде аудионы жазу бірден тоқтайды.

WhatsApp дыбыстық хабарламасында кідіріс функциясы iOS қосымшасында тестілеу деңгейінде қолжетімді. Бұл функция Android үшін де әзірленіп жатыр. 

• "Халық санағын желеу еткен алаяқтар тұрғындардың түрін сканерлеп, несие алуда": Желіде ақпарат тарады

• Facebook, Instagram, WhatsApp қызметі тағы да істен шықты