"Үйімді сатамын": Серік Ибрагимов "Қайрат – Реал Мадрид" матчы қарсаңында мәлімдеме жасады

Фото: https://www.instagram.com/ibragimovserik/

Танымал әнші Серік Ибрагимов “Қайрат – Реал Мадрид” матчы қарсаңында мәлімдеме жасады. Бұл туралы Stan.kz ақпарат агенттігі хабарлайды.

Айта кетейік, матчтардың нақты кестесі 30 тамызда белгілі болады. Чемпиондар лигасы жалпы кезеңінің ойындары 16 қыркүйектен 28 қаңтарға дейін өтеді деп жоспарланған.

“Алматылықтардың назарына! Орталық стадионның қасындағы үйімді сатамын. Біздің үйден стадиондағы ойынның бәрі анық көрінеді”, – деп жазды әнші.

• “Реал Мадрид” Алматыға келеді: "Қайраттың" Чемпиондар лигасындағы қарсыластары белгілі болды

• "Қайрат" "Селтикті" жеңді: 1XBET жанкүйерлермен бірге тойлауда

Еске салайық, 28 тамыз күні Монакода УЕФА Чемпиондар лигасының жеребе тарту рәсімі өтіп, жалпы кезеңге жолдама алған командалардың қарсылыстары анықталды.

Жеребе бойынша “Қайраттың” қарсыластары – мадридтік “Реал Мадрид”, белгиялық “Брюгге”, грециялық "Олимпиакос" және кипрлық "Пафос" командалары Қазақстанға келеді.

Сонымен қатар "Қайрат" миландық "Интер", лондондық "Арсенал" және лиссабондық "Спортинг", даниялық “Копенгаген” футбол клубтарымен қонақта ойнайды.