Есқажы Қадыров пен оның ұлы Юсуп 15 жылдық сот ісінен кейін осы жылдың шілдесінде көшеде қалып қойған. Таңертеңгі душ пен толық таңғы астың орнына олар бір бөтелке су, жеңіл тағамдарды пайдаланады. Ер адамның айтуынша, бұл ең қиын кез емес. Күн жылы болған кезде олар орманда өмір сүруге мәжбүр болды: матрацтарда ұйықтады, от жақты.

"Ұлым әлі тумаған кез, біз оның ауру, мүгедек болатынын білдік. Сондықтан осы жерге, Көкшетауға көштік, дәрігерлерге, жедел жәрдемге жақындадық. Институттан кейін мен Атбасар ауданында жұмыс істедім, сонда біз бір отбасымен, Байзақовтармен таныстық. Олар 2004 жылы менен көмек сұрауға келді. Бірақ ақша болмағандықтан, мен бай адам емеспін, ол мені үйді кепілге қойып, жұбайына ипотека алуға көндірді", - деді Есқажы Қадыров.

Ер адам қиын жағдайға тап болған отбасылық досына "жоқ" дей алмады. Ол банкке ипотека туралы өтінішпен жүгінген, бірақ оған бермей қойған. Содан кейін әйел өзінің атына сенімхат беруді өтінген. Барлық мәселені өзі шешетінін айтқан. Біраз уақыттан кейін Қадыров үйдің басқа адамдарға рәсімделгенін білген. Алаяқ оны туысының атына қайта жазып, кепілге несие алған. Алайда ер адам сенімхаттағы деректердің дұрыс көрсетілмегенін айтты, демек оның заңды күші жоқ.

"Мен сенімхаттың дұрыс еместігін дәлелдедім. Оны қызына рәсімдегенін білгенде, мен ол сенімхатты жойдым. Бірақ, осы сенімхатты 13-ші күні менің хабарымсыз түзетеді. Бірақ мен жойған құжаттарда бұл түзетулер жоқ. Онда сызылған, болды!" - дейді жәбірленуші.

Соттар басталды. Олардың біріншісінде-ақ, жауап беруші тараптың адвокаты Есқажы Қадыровтың оқиғасын тыңдап, орнынан тұрып, оның мүдделерін қорғаудан бас тартқан.

"Мен неге бас тартқанымды айтпаймын, түсіндірмеймін. Тек бас тарттым, болды! Егер клиент жүгінсе, қандай да бір мәліметтер белгілі болса және мен бас тартсам, бұл менің барлығына оңды-солды айтатынымды білдірмейді", - деді Әлібек Сәбитов.

1 шілдеде әкесі мен баласы шығарылып, үйді заттарымен бірге алған, содан кейін оны қайта сатқан. Оны көршісі сатып алып, кейін бөлшектеген.

"Мен бұған көндім. Мен үшін әділеттілікке қол жеткізу маңызды", - дейді ол.

Бас прокуратура журналистердің Есқажы Қадыровтың ісіне қатысты сауалына жауап берді.

"Сіздер бізді соншалықты жауыз, азамат Есқажы Қадыровтың жағдайын түсінбеді деп ойлайсыздар ма? Біз оның мәселесін шешуге барынша көмектестік. Бірақ, өкінішке қарай, біз басшылыққа алатын заң бар. Сенімхатқа қатысты дау туындаған. Азамат Қадыровтың сенімхатының өзі сот тәртібімен ескерілді, мұның бәрі зерттелді. Егер бастапқыда сауатты заңгерлер бұл іске қосылса, олар бәрін қалай жасау керегін айтатын еді. Бірақ дәл осы жерде адамның ешқайда бармағаны және маңызды уақытты өткізіп алғаны белгілі болды", - деп түсіндірді Ақмола облысы прокурорының аға көмекшісі Мұрат Әбішев.

Көлік бұл адамдар үшін жалғыз құтқарушы болып қала береді. Алда қыс келе жатыр.

"Бізде бәрі болғанын және бұзушылықтың аяқталғанын қалаймын. Бәрі қалпына келсе екен", - дейді Юсуп Қадыров.

Талқылау