"Үнемі жылап, тұйықталып қалған": Алматы облысында жасөспірімдер қызды моншада жуынып жатқан жерінен видеоға түсіріп алған

Фото: Stan.kz

Алматы облысындағы ауылдардың бірінде кәмелетке толмағандар тобы "Достық" қоғамдық моншасында жуынып жатқан 16 жастағы қызды жасырын видеоға түсіріп алған. Түсірілім тікелей душқа ашылатын қабырғадағы тесік арқылы түсірілген. Видео кейін жергілікті тұрғындар арасында таралып кеткен. Бұл туралы Stan.kz ақпарат агенттігі хабарлайды.

Жәбірленушінің анасының айтуынша, оның 16 жастағы қызына қатысты оқиға Алматы облысы Ащыбұлақ ауылындағы "Достық" ауылдық моншасында болған.

Қыздың айтуынша, ол күдікті жайттар болғанын оқиға туралы видео ауыл тұрғындарының қолына түскеннен кейін ғана түсінген.

"Басында су өшіп қалды деп өтірік айтқан, бірақ олар мені видеоға түсіріп тұрған", – деді жәбірленуші.

Кейін түсірілген бейнежазбада, күдіктілердің бірі ұсталған сәтте, ювеналды полиция қызметкерінің қалған қатысушыларды шақыруды талап еткені естіледі.

"Қалғандарына хабарлас, келсін. Келмесе, өздеріңе жаман болады. Сендермен ойын ойнап отырғам жоқ, кішкентай қыз емеспін отыратын", – деді ол жасөспірімге.

Видеоның екінші бөлімінде жәбірленушінің анасынан алынған эмоциялық пікір көрсетілген. Оның айтуынша, жасөспірімдердің бірі моншаның саңылауында соңына дейін тұрып, қызының жуынуын бақылап тұрған. Кейін сол жасөспірім полиция қызметкерінің сұрағына төмен қарап әрең жауап берген.

"Не үшін істедің? Қызық болды ма? Қыз жуынғанда сен от жағатын жерде не істеп тұрдың? Ұятсызсың ба?" – деп сұраған инспектор.

"Жоқ", – деп жауап берген жасөспірім.

Қыздың анасы баласының қатты психологиялық күйзеліске түскенін айтты. Қыз қазір үйден шықпайды, үнемі жылап, тұйықталып қалған.

Алматы облыстық полиция департаментінің хабарлауынша, оқиғаға қатысы бар барлық жасөспірім анықталып, полиция бөліміне жеткізілген. Олардың ішінде видеоны түсірген жасөспірім де бар.

"Кінәлі жасөспірімдердің заңды өкілдері балаларды тәрбиелеу жөніндегі міндеттерін дұрыс орындамағаны үшін әкімшілік жауапкершілікке тартылды", – деді Алматы облысы полиция департаментінің өкілдері.

Сонымен қатар полиция оқиғаның қайталанбауы үшін және мұндай жағдайға себеп болған себептерді жою мақсатында әкімдік жанындағы кәмелетке толмағандар ісі жөніндегі комиссияға ұсыныс енгізген.

Қазақстандық балалар рұқсатсыз фото-видеосын желіге жариялаған ата-анасын сотқа бере алады

Бала құқықтары жөніндегі уәкіл блогер Daricorn-ды баланы буллингке ұшыратты деп айыптады

Еске салайық, бұған дейін танымал қазақстандық трансгендер Ника Нет спортзалдағы әйелдердің киіну бөлмесіне кіргені үшін сынға қалды. Оқиға Астана қаласындағы спорт залдардың бірінде болған. Жаттығу залына келуші әйелдердің бірі киім ауыстыратын бөлмеден трансгендер, блогер Наиль Тұрғановты (Ника Нет) кездестіріп қалған. Мән-жайды адвокат Аржан Сәдуақасқа айтып берген. Заң саласының маманы желіде таралған оқиғаға қатысты жеке парақшасында пікір білдірді.