Үкімет Қазақстандағы тұрмыстық зорлық-зомбылыққа қарсы жарияланған петицияны қарайды
Премьер-министр Әлихан Смайылов үкімет Қазақстандағы тұрмыстық зорлық-зомбылыққа қарсы петицияны қарайтынын айтты. Бұл жөнінде Stan.kz ақпарат агенттігі хабарлайды.
Смайыловтың сөзінше, "Қоғамдық бақылау" туралы заң жобасы жақында қабылданған және 2024 жылдың сәуірінде күшіне енеді.
“Сонымен бірге, біз қазір тұрмыстық зорлық-зомбылық үшін жауапкершілікті күшейту бойынша жұмыс істеп жатырмыз. Бұл норманың күшіне енбегеніне қарамастан, мемлекеттік органдар азаматтардың өтініштерін қарауға міндетті. Ал петиция – бұл көп адамның пікірі, сондықтан оны қарау керек. Біз қазір мұндай өтініштерді қарауға дайынбыз”, – деді сенат кулуарында.
- “Жай ғана ер адам болғаның үшін түрмеге жабады”: Қазақстанда тұрмыстық зорлық-зомбылық туралы заңды қатаңдатуға кімдер және не үшін қарсы?
- "50 адамды азаптап, біреуін өлтірген": Прокурор Қаңтар оқиғасы кезінде азаптау ісі бойынша ҰҚК-нің 11 қызметкерін үш жылдан бес жылға дейін түрмеге жабуды сұрады
Смайылов сондай-ақ тұрмыстық зорлық-зомбылыққа қатысты көзқарасын білдірді.
“Өзіме келетін болсам, мен әйелдерге жасалған зорлық-зомбылықты қабылдамаймын, оның үстіне өзім де қыз өсіріп отырмын. Мен олардың болашақта өз қауіпсіздігін ойламай, тұрмыстық зорлық-зомбылық жоқ ортада өмір сүргенін қалаймын”, – деді премьер-министр.
Айта кетейік, 23 қарашадағы жағдай бойынша 149 мың қазақстандық тұрмыстық зорлық-зомбылықтан қорғау заңнамасын реформалау туралы петицияға қол қойған.