Түркияда мешіт ауласында сүйіскен шетелдік туристер бас бостандығынан айырылмақ (видео)
Фото: Видеодан скрин
Ыстамбұлда Чамлыжа мешітінің ауласында сүйіскен ресейлік туристер ұсталды. Олардың әрекетін 26 тамызда куәгерлер видеоға түсіріп, полицияға арызданған. Бұл туралы Stan.kz ақпарат агенттігі Hürriyet басылымына сілтеме жасап хабарлайды.
Прокуратура дерегінше, туристердің әрекеті діни сенімдерді қорлау ретінде сараланады.
"Жұп түсініктеме беріп, кешірім сұрауға тырысқан. Олар жергілікті қасиетті орында өзін қалай ұстау керегін білмегенін айтқан. Алайда бұл жеткіліксіз болды. Оларға бір жылға дейін бас бостандығынан айыру жазасы қаупі төніп тұр", – деп жазады түрік басылымы.
Түркиядағы Ресей елшілігінің мәліметінше, туристерден жауап алынған соң олар босатылған. Бірақ істі сот қарайтын болады.
Айта кетейік, мұндай жағдайлар Түркияда бұрын да болған. Бұған дейін Каппадокияда Түркия туы ілінген бағанада билеген шетелдік турист бас бостандығынан айырылатыны туралы жазған едік.
Талқылау
“50 жыл басқа елде тұрған ата-анам артымнан еріп, көшіп келді”: Қазаққа келін болып түскен корейлік ару жаңа отбасы туралы айтып берді
Екатерина Жанғарина: "Екі үлкен шәугім сүті бар шай беріп, "құя бер" деді"
Желіде тілі шықпаған баланы қой ішегімен қылқындырғандардың видеосы тарады: Логопед-дефектолог ырымның үлкен қаупін айтты
Балаға психологиялық әрі физикалық қауіп төнеді