Басылым мәліметінше, кәмелетке толмаған қыз сабақтан кейін үйіне қайтып оралмаған. Ата-анасы бірден оны іздеуге кіріскен. Олар таныстары мен көршілерінен сұрастырғаннан кейін, қыздарын алып қашқан болуы мүмкін екенін анықтапты.

Кездейсоқ куәгерлер жас жігіттердің қызды көлікке күштеп отырғызып, көрші ауыл жаққа алып кеткенін көрген. Ата-анасы түн болғанына қарамастан, бірден көрші ауылға аттанады. Арада бірнеше сағат өткеннен кейін алып қашып кетті деп күдіктелген жігіттің үйін тауыпты. Расымен де, қыздары сол үйде болып шыққан. Алайда анықталғандай, жігіт оқушы қызбен төсек қатынасына түсіп үлгерген екен.

22 жастағы жігіт пен оның туыстары жәбірленуші тарапқа үйленуге ниетті екенін, қызды сол мақсатта алып қашқанын айтқан. Алайда 15 жастағы қыздың ата-анасы бұған қарсы болыпты. Олар бірден полицияға шағымданып, қыздарының зорланғанын айтқан.

Оқиғадан кейін полиция Қылмыстық кодекстің «Көрінеу кәмелетке толмаған тұлғаны зорлау» бабы бойынша іс қозғады. Жас жігіт тұтқындалды.

Сотта жәбірленуші тарап мәселені бейбіт жолмен шешу туралы ұсыныстардан бас тартып, айыпталушыны толықтай жауаптылыққа тартуды талап етті.

Сот 22 жастағы жігітті кінәлі деп танып, 11 жылға бас бостандығынан айыру жазасын тағайындады.

Талқылау