Мемлекет басшысы партияның бағдарламасын жүзеге асыру үшін 21 триллион теңге қажет екенін айтты
Президент Қасым-Жомарт Тоқаев "Нұр Отанның" отырысында "Өзгерістер жолы - баршаға лайықты өмір" партия бағдарламасына 21 триллион теңге жұмылдыруды жоспарлап отырғанын айтты, деп хабарлайды Stan.kz ақпарат агенттігі.
"Біз елге жаңа даму парадигмасын ұсынуымыз керек. Бұл үшін биліктің барлық тармақтарының, президенттің, үкіметтің және заң шығарушы биліктің күш-жігері қажет. Сондықтан алдағы сайлау бүкіл қоғам үшін ерекше маңызды. Реформалар және Ұлт жоспарын жүзеге асыру мақсатында біз 2025 жылға дейін "Өзгерістер жолы - барлығына лайықты өмір" сайлау науқанын қабылдап жатырмыз. Бұл егжей-тегжейлі, нақты құжат", - деп түсіндірді Тоқаев.
Сонымен қатар, мемлекет басшысы бағдарламаны жүзеге асыру үшін қанша қаражат керек екенін айтты. Бұл қаражат алдағы 5 жылға жоспарланған.
"Экономикадағы қиындықтарға қарамастан, "Нұр Отан" алдағы бес жылда бағдарламаны жүзеге асыруға 21 трлн теңгені жұмылдыруды жоспарлап отыр. Бағдарлама елдің әлеуметтік прогресі мен халықтың әл-ауқатын жақсартуға бағытталған нақты шаралар кешенін ұсынады", - деді Қасым-Жомарт Тоқаев партияның съезінде.
"Ізімнен қалмай, бөксемді ұстады": Елордалық қыз сауда орталығында келеңсіз жайтқа тап болғанын айтты
