Тоғызқұмалақтан Қазақстан құрамасы Түркиядағы оқу-жаттығу жиынына миллиондаған қаржы жұмсаған
Мәдениет және спорт министрі Дәурен Абаев Мәдениет министрлігі ұжымының кеңейтілген отырысында тоғызқұмалақ құрамасының Түркиядағы оқу-жаттығу жиынына ондаған миилион теңге жұмсалғанын айтты, деп хабарлайды Stan.kz ақпарат агенттігі.
"Олимпиадалық емес спорт түрлерін талқылайық. Көп қаржы есепсіз жұмсалған. Мысал өте көп. Солардың бірі – тоғызқұмалақтан Қазақстан құрамасы неліктен оқу-жаттығу жиынына Түркияға барғанын және бюджеттің миллиондаған қаржысын жұмсағанын ешкім түсіндіріп бере алмады", – деді Дәурен Абаев.
Ол министрліктің оқу-жаттығу жиындарын өткізуді қатаң бақылауда ұстайтынын айтты.
"Әр оқу-жаттығу жиынынан кейін нәтижеге қайта ораламыз. Спорт түрлері бойынша нақты шаралар атқарылады", – деп қосты мәдениет және спорт министрі.
Айта кетейік, бұған дейін Дәурен Абаев Олимпиада чемпиондары мен олардың жаттықтырушыларына өмір бойы берілетін төлемді көтеруге тапсырма берген еді.
Талқылау
"Күйеуімді қазақша Дарын деп атайды": Ағылшын азаматына тұрмысқа шыққан қазақ қызы оқиғасын бөлісті
Даррен Чандлер: "Қазақ тілін әйелімнің тілі болғандықтан жақсы көремін"
“Келін қылып алатын қыз”: Желіде қазақша ән айтқан португалиялық ару қазақстандықтарды тәнті етті
Лара: "Қазақтар өте-өте талантты халық”