Тимур Құлыбаев Ұлттық Олимпиадалық комитетінің президенті болып қайта сайланды
Тимур Құлыбаев тағы да ҚР Ұлттық Олимпиада комитетінің президенті қызметіне ұсынылды. Осылайша Тимур Құлыбаев Қазақстан Ұлттық Олимпиадалық Комитетінің президенті болып қайта сайланды, деп хабарлайды Stan.kz ақпарат агенттігі.
Оның кандидатурасын Қазақстан хоккей федерациясы ұсынды. Бұл туралы премьер-министр Асқар Мамин ҚР Ұлттық Олимпиада комитетінің бас ассамблеясында сөйлеген сөзінде айтты.
«Құрметті әріптестер! Бүгінгі отырыста біз Қазақстан Республикасы Ұлттық Олимпиада комитетінің президентін сайлауымыз керек. Айтайын дегенім, шайбалы хоккей федерациясының атынан біз Құлыбаев Тимур Асқарұлын ұсындық. Мен ҰОК басшысының сайлануы біздің Олимпиадалық комитеттің, олимпиадалық спорттың және тұтастай алғанда елдегі бұқаралық спорттың одан әрі дамуындағы маңызды қадам екенін атап өтемін. Бұл біздің дұрыс және жауапты таңдау болатындығына сенімдімін», - деді Асқар Мамин.
Үкімет басшысы Қазақстанда спортты дамытуға үлкен көңіл бөлінетінін атап өтті.
«Биыл спортты дамытуға республикалық бюджеттен 31 миллиард теңге бөлінді, келесі жылы 51 миллиард теңге жоспарланған. Бұл тек республикалық бюджеттен, әлі де жергілікті бюджеттен қаржыландырылады», - деп қорытындылады Асқар Мамин.
Айта кетейік, Асқар Мамин - Қазақстан шайбалы хоккей федерациясының президенті.
Тимур Құлыбаев Қазақстан Ұлттық Олимпиадалық Комитетінің президенті болып қайта сайланды. Дауыс беру қорытындылары бойынша 2015 жылы осы лауазымға алғаш рет сайланған Қазақстан ҰОК президенті Тимур Құлыбаев тағы төрт жылға қайта сайланды.
«Соңғы төрт жыл ішінде ең алдымен мемлекеттік органдардың, Ұлттық Олимпиадалық комитеттің және ұлттық спорт федерацияларының бірлескен және үйлесімді жұмысының нәтижесінде қазақстандық спорт өзінің дамуында айтарлықтай серпіліс алды. Барлық деңгейлердегі тығыз ынтымақтастық ілгерілеудің кілті болды және мен барлығына алғыс айтқым келеді. Олимпиадалық спорт командасының жетекшісінен спорт дәрігеріне дейін, федерацияның бас хатшысынан бастап, спорт жабдықтарын таратуға жауапты менеджерге дейін, сондай-ақ әрқайсысы спортшы, ата-ана және спортшылардың жаттықтырушысына алғыс айтамын. Барлық жетістіктер - бұл біздің ортақ жеңістеріміз», - деді Тимур Құлыбаев.
«Бүгінгі таңда Қазақстан ҰОК халықаралық спорт қоғамдастығының шын мәніндегі маңызды мүшесі және әлемдік спорт ұйымдарының сенімді серіктесі болып табылады. Төрт жыл ішінде ҰОК үлкен жұмыс жасады. Бірақ отандық спорттағы барлық түбегейлі өзгерістерге қарамастан, бұл тек бастамасы. Алда жауапты бастамалар мен жаңа міндеттер тұр. Біз Қазақстан спортын дамыту бойынша жұмысты жалғастырамыз», - деді ол.