AAPL
137.59 $
0.17 %
TSLA
709.42 $
-0.05 %
NDAQ
143.08 $
0.7 %
GOOGL
2207.68 $
-1.35 %
FRHC
40.71 $
-0.97 %
AAPL
137.59 $
0.17 %
TSLA
709.42 $
-0.05 %
NDAQ
143.08 $
0.7 %
GOOGL
2207.68 $
-1.35 %
FRHC
40.71 $
-0.97 %
Соңғы жаңалықтар
Соңғы жаңалықтар

"Тылсым дүние": Шымкентте бейіттер аршылып, топырағы үңірейіп ойылып қалған

Шымкенттің Қайтпас елді мекеніндегі мазаратта бейіттер аршылып, үйілген топырағы үңірейіп ойылып жатыр. Мұны байқаған кейбіреулер "бұл әдейі істелген әрекет" деп әлеуметтік желіні шулатқан. Бірақ ауыл ақсақалдары мен дін өкілдері мүрделердің топырағын толассыз жауын ойып жіберген дейді, деп хабарлайды Stan.kz ақпарат агенттігі 31 арнаның “Информбюро” бағдарламасына сілтеме жасап. 

Қайтпас елді мекенінде бір айға жуық уақыт бойы күнделікті толассыз жауған жауынның салдарынан бейіттердің басы аршылып кеткен. 50-ге жуық мәйіттерге су өтіп кетпес үшін жұртшылық клеенкалармен жауып қойған. Көр қазушылар мен жергілікті жұртшылық мазар басында бейіттердің басын қайта жабуға кіріскен.

Шеттен топырақ тасымалдап, тағы да жауынға қалмастан, мүрделердің бетін жабуға үлгеріп қалмақ. Әу баста, бұл жағдайды байқаған бәз біреулер әлдебір қаскөйлер әдейі істеген деп, әлеуметтік желіде жұрттан көмек сұраған еді. Байыбына бармағандар қалың қауымның үрейін ұшырған дейді мұндағы жұмысшылар.

“Бейіттің төбесі құлаған. Ал қыштары тұр жанында. Түсінбейтін адамдар көп, сөйтіп айтыпты кеше естідік. Мына қарасаңыздар, еш денесі көрініп жатқан жоқ. Сосын кейбіреулер айтыпты, қазып, органдарын алыпты деп. Алла сақтасын, ондай болмаған”, – дейді көр қазушы Атабек Давлатов. 

Мидай тегіс бұл жазық жер кезінде бидай алқабы болған екен. Көр қазушылар бейіттердің бұлай аршылуына бұл маңдағы құнарлы топырақ та себеп болуы мүмкін дейді. Ылғал түссе, бірден лайға айналатын аумақты адам жерлеуге келмейді деп, күні кеше ғана кейбіреулер мәйіттерді қайта қаздырып алуға ұмтылыпты. Тек имамдар бұған дер кезінде тосқауыл қойған.

“Бұл жерден қайтадан қазып алу керек, тағы басқадай жағдайлар жасап, қайтып ішін дұрыстаймыз деген ниетпен жүрген азаматтар болды. Ол негізі шариғатымызда құпталмайтын, Қазақстан Мұсылмандары Діни басқармасының бұл жөнінде пәтуада да, бұны тек топырақпен қайтып көміледі. Әруақтарды, жатқан мәйіттің денесін қорлап, оны мазалауға рұқсат етілмейді”, – дейді Қаратау ауданының бас имамы Дастан Желеуов. 

Бас имам жерлеу кезінде көр қазушылардың кейбір тұстарды ескермей қалуы мүмкін екенін де жасырмайды. Ал әкімдік енді өзге жердің топырағын алдырып, бейіттің басын сонымен бекітіп көрмек. Демеушілер есебінен ашық қалған мүрделерді осылай жаппаса, қазынадан оған қаражат қаралмаған.

“Ауданда 25 осындай мазараттар бар. Соларға 29 млн теңге ақша бөлінген. Күтіп ұстау, мазараттардың шөбін ору, мусорын тазалау, талын кесу, қоршаудағы сынған жерлерін жөндеу сияқты жұмыстарға арналған ақша”, – дейді Нұржан Дүйсенов Қаратау ауданы әкімдігінің бөлім басшысы. 

Ауыл жұрты мен дін өкілдері бұның бәрі табиғаттің ісі дейді. Күн райы қолайлы болса, бірер күнде бейіттер түгелдей қалыпқа келтіріледі деп отыр. 

Талқылау
Пікір
Қазір оқып жатыр
Қазір оқып жатыр