Теңіз кен орнында өрт шықты
Теңіз кен орнында өрт шықты. Ақпаратты Атырау облысының төтенше жағдайлар департаменті растады, деп хабарлайды Stan.kz ақпарат агенттігі.
"1 наурыз күні сағат 16:40-та Атырау облысы, Жылыой ауданы, Теңіз вахталық қалашығында кәсіпорынның ашық алаңында өндірістік тұнба өртеніп жатыр. ТШО өрт сөндіру және авариялық-құтқару жұмыстары қызметінің мәліметінше, өндірістік тұнба өртеніп жатыр. Алдын ала ақпарат бойынша, 200 шаршы метр аумақ өртенді", – деп түсіндірді төтенше жағдайлар басқармасы.
ТЖД мәліметінше, зардап шеккендер жоқ. Өртті сөндіруге ТШО PASS – 17 қызметкер мен 4 техника және "COCR" ЖШС – 6 жұмысшы мен 2 техника жұмылдырылған.
"Құлсары қаласынан Атырау облысы төтенше жағдайлар департаментінің 10 қызметкері мен 2 техникасы жөнелтілді. Қызметкерлер келген соң қосымша ақпарат нақтыланады", – деп толықтырды ведомство.
Талқылау
Пікір