Танымал блогер Әлібековтің Lamborghini көлігімен жігітті қағып өлтірген жүргізуші сотталды
Танымал блогер Бейбіт Әлібековтің Lamborghini көлігімен жігітті қағып өлтірген жүргізуші сотталды. Бұл туралы Stan.kz ақпарат агенттігі хабарлайды.
Жүргізуші “абайсызда қазаға ұшырату" бабы бойынша сотталды. Алайда айыпталушы түрмеде отырмайды. Сот шешімімен күдіктінің бас бостандығы 1,5 жылға шектелді. Айыпталушы өз кінәсін мойындады.
"Трюк қауіпті екенін біле тұра, бәрібір келістім", – дейді айыпталушы.
Марқұм жігіттің отбасы моральдық және материалдық өтемақы ретінде 210 млн теңге талап етті. Алайда сот бұл соманың тек 5 млн теңгесін өндіру туралы шешім шығарды.
Ал көлік иесі блогер Бейбіт Әлібеков сотқа куә ретінде қатысты. Ол марқұмның туыстарына 10 млн теңге беріп, жерлеу шығындарын өз мойнына алғанын мәлімдеді.
Еске салсақ, 2024 жылдың қазан айында Алматыда танымал блогер Әлібековтің Lamborghini көлігі 22 жастағы жігітті қағып өлтіргені туралы жазған едік.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан