Талғарда ұрланған 2 жасар қыз ауруханаға жеткізіліп, тексеруден өтіп жатыр
Фото: Адвокат Гауһар Сариеваның Instagram парақшасынан алынды
Алматы облысында 2 жасар қыздың ұрлануына қатысты Оқу-ағарту министрлігі пікір білдірді. Бұл туралы Stan.kz ақпарат агенттігі хабарлайды.
Министрлік мәліметінше, бүлдіршін ауруханаға жеткізілді, оған психологиялық қолдау да көрсетіліп жатыр.
“Қазір бүлдіршін табылып, тексеруден өту үшін ауруханаға жеткізілді. Балалардың құқықтарын қорғау комитетінің тапсырмасы бойынша Психологиялық қолдау орталығының мамандары оқиға орнына барып, психологиялық көмек көрсетіп жатыр. Сондай-ақ, Алматы облысының балалар құқықтары жөніндегі өңірлік уәкілі де оқиға орнында жұмыс істеп жатыр”, – делінген хабарламада.
Айта кетейік, Талғарда ер адамға оқ атып өлтіріп, екі жасар қызын ұрлап кеткен еді. Кейіннен бүлдіршін аман-есен табылып, күдікті қолға түскен. Сотталушы қамауға алынып, оның қылмыс үшін қолданған қаруы тәркіленді. Ал өзі қамауға алынды.
“50 жыл басқа елде тұрған ата-анам артымнан еріп, көшіп келді”: Қазаққа келін болып түскен корейлік ару жаңа отбасы туралы айтып берді
