"Статистикамен ойнауды тоқтатыңыздар": Алматылық дәрігер денсаулық сақтау министрлігіне үндеу жолдады

Алматы қаласындағы "Орталық клиникалық аурухана" АҚ нейрохирургия орталығының басшысы Мыңжылқы Бердіқожаев денсаулық сақтау министрлігінен "статистикамен ойынды тоқтатуды" және типтік пневмония жағдайларын коронавирус ретінде тіркеуді сұрады, деп хабарлайды Stan.kz ақпарат агенттігі.

дәрігер

Ол өзінің үндеуін Facebook-та жариялады. Оның пікірінше, Coronavirus2020.kz ресми сайтында келтірілген мәліметтер шындыққа сәйкес келмейді.

"Сайттың мәліметінше, Қазақстанда коронавируспен байланысы жоқ өлімге әкелетін пневмония жүріп жатыр. Осы сайт дерегіне сәйкес, Қазақстанда іс жүзінде өлімге әкелетін жаңа пневмония пайда болды! 

Статистикамен ойынды тоқтату керек! АХЖ-10 кодтарымен ойын көмекті кешіктіріп, ауруханаға жатқызудан бас тартуға, өлім-жітімнің өсуіне, амбулаторлық көмекті кешіктіруге әкелді", - деді дәрігер.



Оның сөзіне қарағанда, елде тарап жатқан пневмония - COVID-19 коронавирусының жаңа түрі. Өйткені пневмония емдеу хаттамасы коронавируста қолданылатындармен бірдей.

Сонымен қатар, ол әлемдегі елдерді мысалға келтіріп, коронавирусты анықтайтын тестілер "жалған" теріс нәтиже көрсетуі мүмкін екенін айтты.

 

Талқылау
Пікір
Қазір оқып жатыр
Çàãðóçêà...
Қазір оқып жатыр