"Астана" телеарнасының ақпараты бойынша, пышақ жарақаты бар баланың денесі бір тәуліктен кейін кент маңындағы таудан табылған. Марқұмның анасы сол жерлерде іздегендерін айтады, тек шыңға көтерілмеген.

"Еуразия бірінші арнасы" нақтылағандай, қылмыскер мәйітті құмырсқаның илеуінің қасына жасырған. Баланы ағасы тапты. Оның айтуынша, егер іздеу тағы бірнеше күнге созылса, онда баланың денесінен ештеңе қалмас еді.

Марқұмның туысы баланың денесінде тамағынан пышақпен тілімделген жаралары, маңдайында жарақаттар, мұрынның сынуы, көзінің көгергені байқалғанын айтты.

Кісі өлтірді деген күдікті - Жилиевтердің бұрынғы көршісі, ауылдың 20 жастағы тұрғыны. Ауылдастарының айтуынша, оның психикалық денсаулығына байланысты проблемалар болған.

Айтпақшы, кейбір жергілікті тұрғындар күдіктіні ешкімге көмектесуден бас тартпаған қарапайым жігіт ретінде сипаттайды.

Басқа ауыл тұрғындары күдіктінің кейде ішімдік ішіп, орынсыз әрекеттерге барғанын алға тартады. Кейде ол тіпті жергілікті тұрғындарды қорқытқан.

Күдіктіні түсініктеме алуға әкелген дәрігерлер ұстау кезінде оның сау болғанын айтты.

"Оның есірткі мен алкогольдік мастығы жоқ. Ақыл-есі туралы ештеңе айта алмаймын, дәрігерлер шешеді. Қазір ол тек сараптама жасады. Содан кейін дәрігер қорытынды жазады", - деді Алтай ауданының ауданаралық ауруханасының кезекші дәрігері.

Осы жылдың сәуірінде Эдуард жеті жасқа толды, ал 1 қыркүйекте ол мектепке баруы керек еді.

Еске салайық, марқұмды 29 тамызда жергілікті 20 жастағы жігітпен белгісіз бағытқа кетіп бара жатқан жерінен көргендер бар. 30 тамызда бала өлі күйінде табылды. Полиция өлімнің іздерін бірден анықтады. Баланың денесінде зорлықпен өлім белгілері байқалды. Күдікті жас жігіт ұсталды. Тергеу барысында күдікті кінәсін мойындады.

Талқылау