Шымкентте сотталушылар түрмеде отырып, дипломға ие болды

Шымкентте жазасын өтеп жүрген бір топ адам жаңа кәсіпті игерді. Бір жылға жуық техникалық саланың қыр-сырын меңгерген олар қоғамға аз да болса пайдамыз тисе дейді. Бұдан бөлек, жәбірленушілерге келтірген шығындарын да осы жерден өтемекші. Сонда темір тордың арғы жағындағылар қандай кәсіпке бейімделді? Ай сайынғы табыстары қандай болмақ? Бұл туралы Stan.kz ақпарат агенттігі Еуразия бірінші арнасына сілтеп хабарлайды.

түрме

124 сотталушы Түркістан индустриалды құрылыс колледжінде 6 мамандық бойынша білім алған. Енді оларға салтанатты түрде диплом табыс етілді

Тігінші, ағаш өңдеуші және жиһаз шебері атанған жазасын өтеушілер колледжде 10 ай оқыпты. Солардың бірі - Бағлан Балабеков. 6 жылға сотталған ол енді су жаңа кәсіптің иесі атанып отыр.

"2019 жылы Түркістан индустриалды колледже түсіп, тігінші мамандығын алдым. Осындай мүмкіндік беріп жатқан мекеме әкімшілігіне және ұстаздарға алғысым шексіз. Алға қойған жоспарларымды орындап, бостандыққа шыққан соң, жұмыс істейтін боламын", - дейді жазасын өтеуші Бағлан Балабеков.  

"Бостандыққа шыққан соң осы дипломмен жұмысқа кіруге болады. Одан кейін осы мекемеде орналасқан өнеркәсіп бар сонда кіріп жұмыс істеп, өзінің жалақысынан жәбірленушілерге берешін беруге осындай мүмкіншіліктер істелініп отыр", - деді түзеу мекемесінің басшысы Бағдат Асылбеков. 

Жазасын өтеушілердің арасында жоғары білімділер де бар. Бірақ, басым көпшілігі мамандық бойынша жұмыс таба алмайды екен. Сондықтан, оларға қарапайым кәсіпті үйретіп жатыр. Биыл электрші деген мамандықты қосыпты. Сұраныс көп көрінеді осы мамандыққа.

"Біздер жұмысшы мамандықтарын береміз. Ол Үкіметтің есебінен тегін оқытылады. Мұғалімдер мен өндіріс шеберлері облыстық бюджеттен қаржыландырылсақ, бізге керекті материалдық құрал жабдықтың барлығы осы түзету мекемесінен беріледі", - деді колледждің бөлім меңгерушісі Байырбек Бабақұлов.

Осы күні ИЧ 167/3 түзеу мекемесінде 500-ге жуық сотталушы жазасын өтеп жүр. 183 адам бостандыққа шығыпты. Олардың арасында түрмеде жүріп, білім алғандар бар. Қылмыстық атқару жүйесі мамандарының сөзінше, орта-арнайы білім беру ісі тағы екі түрмеде бар екен. Биыл 350 адам білім алған. Басым көпшілігі тігінші көрінеді.

Талқылау
Пікір
Қазір оқып жатыр
Çàãðóçêà...
Қазір оқып жатыр