Шымкентте полицейлер 5-қабаттан секірмек болған 3 баланың анасын құтқарып қалды (видео)
Шымкентте полицейлер 5 қабатты үйдің төбесінен секірмек болған әйелді құтқарып қалды, деп хабарлайды Stan.kz ақпарат агенттігі.
Полицияның таратқан дерегіне сүйенсек, 102 пультіне "Адия" ТК-нің тұрғындарынан қоңырау түскен. Олар белгісіз адамның көпқабатты үйдің төбесіне көтеріліп, өз-өзіне қол жұмсамақ ниетте екенін мәлімдеген.
"Кезекші жедел түрде патрульдік полиция полкінің барлық экипаждарына хабарлама тастады. Шақыруға бірінші болып 1-рота қызметкерлері Қанат Бишинов пен Бейбіт Нұрпейісов келді", – делінген ақпаратта.
- Астанада полицей өз-өзіне қол жұмсамақ болған тұрғынды құтқарып қалды. Осымен ол үшінші адамды аман алып қалған
- Алматыда аяғы ауыр келіншек тұрғын үйдің 8-қабатынан секіріп кетті
Патрульдік полицейлер бірнеше минут ішінде өз өмірлерін қатерге тігіп, көпқабатты үйдің төбесіне көтерілген және әйелді әңгімеге тартып, назарын аудару арқылы ойынан қайтарып, құтқарып қалады.
Өз өзіне қол жұмсамақ болған әйел аудандық полиция басқармасына жеткізілген. Белгілі болғандай, әйелдің үш баласы бар болып шықты.
Жүргізілген әңгімеден кейін полицейлер оны күйеуіне тапсырған. Өз кезегінде жұбайы тәртіп сақшыларына қызметі үшін алғыс айтқан. Әйел отбасымен қауышты.