Шымкентте ер адам мүгедектерге арналған пандусты ұрлап кеткен
Шымкентте сұлулық салонының баспалдағына орнатылған мүмкіндігі шектеулі жандарға арналған темір пандусты әлдекімдер ұрлып кеткен, деп хабарлайды Stan.kz ақпарат агенттігі.
Полицейлер ұрының ізін бейнебақылау камералары арқылы анықтады.
Ол қамауға алынып, полицияға жеткізілді. Ер адам ұрланған заттарды темір сынықтары ретінде өткізіп жіберген.
Ұрлық фактісі ҚР Қылмыстық кодексінің 188-бабы бойынша ішкі істер органдарына тіркелді.
Бұл бап бір мың айлық есептік көрсеткішке дейінгі мөлшерде айыппұл салу немесе сол мөлшерде түзеу жұмыстарына не сегіз жүз сағатқа дейінгі мерзімге қоғамдық жұмыстарға тарту түріндегі жазаны көздейді.
Талқылау
Пікір