Шығыс Қазақстандағы ауылды су басқаны туралы ақпарат жалған болып шықты
Шығыс Қазақстан облысы Ұлан ауданындағы ауылды су басып жатқаны туралы ақпарат жалған, деп хабарлайды Stan.kz ақпарат агенттігі.
Бүгін әлеуметтік желіде Ұлан ауданы Горняк ауылын су басып жатқаны туралы видео тарады.
Осы ретте ШҚО төтенше жағдайлар департаменті бұның шындыққа жанаспайтындығын мәлім етті.
"Бірде-бір үйді су баспады. Ауыл тұрғындарынан су тасқыны туралы хабарласқан ешкім болған жоқ. Қазір аймақтағы жағдай тұрақты. Бейнежазбада таудан ағып жатқан қарғын су түсірілген. Сондықтан жалған ақпаратты таратпауды сұраймыз", - делінген ақпаратта.
Жалпы Шығыс Қазақстанда су тасқынына бейім 71 елді мекен бар.
Бүгінде атқарылған шаралардың нәтижесінде 15 елді мекенде қауіп толықтай жойылып, 46-сында азайтылған.
Еске салсақ, осыған дейін Шығыс Қазақстан облысында су тасқыны қаупі бар учаскелерді бақылауға 260 волонтер тартылғаны хабарланған.
Талқылау
"Ізімнен қалмай, бөксемді ұстады": Елордалық қыз сауда орталығында келеңсіз жайтқа тап болғанын айтты
Басқа қыздар да басынан өткен ұқсас оқиғаларды баяндады
"Қуыршақ секілді тістеп ары-бері сүйреді": Алматы облысында 10 жасар баланы иттер талап, сан еті мен құлағын жұлып алған
Екатерина істі сотқа жеткізіп, медициналық анықтамаларды жинап, кейін прокуратураға шағымданбақ