Шығыс Қазақстанда экс-полиция қызметкері кәмелетке толмағандарға зорлық-зомбылық жасады деген күдікке ілінді
Шығыс Қазақстан облысында бұрынғы полиция қызметкері кәмелетке толмағандарға қатысты сексуалдық сипаттағы әрекеттер жасады деген күдікке ілінді. Бұл туралы Stan.kz ақпарат агенттігі хабарлайды.
Фото: ШҚО полиция департаменті
"Қазір болған оқиғаның барлық мән-жайын анықтауға бағытталған тергеу әрекеттерінің кешені жүргізіліп жатыр", – деп мәлімдеді полиция департаменті.
Департаменттің хабарлауынша, 16 жасқа толмағандарға қатысты сексуалдық сипаттағы әрекеттер фактісі бойынша қылмыстық іс қозғалды.
Күдіктілердің қамауға алынғаны және уақытша ұстау изоляторына орналастырылғаны айтылды.
"Сонымен қатар А.Жұмагұлов ішкі істер органдарынан теріс себептермен жұмыстан шығарылғанын хабарлаймыз", – делінген ведомствоның хабарламасында.
Еске салайық, бұған дейін Талдықорған полициясының басшысы қыз зорлады деген күдікпен ұсталған. Кейін ол екі айға қамауға алынды. Қылмыстық кодекстің 120-бабының 2-бөлігі ("Адамның қызметтік міндеттерін атқару кезінде жасаған зорлау") бойынша қылмыстық іс қозғалған. 29 ақпанда Марат Күштабаевтың қыз зорлау ісі бойынша сот процесі басталғаны хабарланған.
Бұған дейін Талдықорғандағы қыз зорлау оқиғасынан кейін орта шенді полиция қызметкерлерін аттестациядан өткізбек екені белгілі болған.
"Баланы тұз қосылған суға шомылдыру, омырауын сығу" сынды салттар қаншалықты дұрыс – Мамандар жауап берді
