Шерзат Полат өлімі бойынша сотталғандардың бірінің әйелі Талғар қаласының тұрғындарын қарызға батырған деген күдікке ілінді

Фото: видеодан кадр

Шерзат Полатты өлтірді деген айыппен сотталған Дидар Қалиахметтің әйелі 25 жастағы Балауса Еркінқызы Талғар қаласының тұрғындарының атына несие алып, қайтармаған. Бұл туралы журналист Руслан Өтепбай мәлімдеді, деп хабарлайды Stan.kz ақпарат агенттігі.

Куәгерлердің айтуынша, оған он шақты адам алданып қалған.

Зардап шеккендердің бірі, төрт баланың анасы, 29 жастағы Балауса есімді келіншек Балауса Еркінқызының өтінішімен екі миллион теңгеге несие алғанын айтты.

"Балауса алты айдан кейін қайтарамын деп уәде берді. Бірақ қайтарған жоқ – ол ай сайынғы төлемді де төлемейді. Несие алып беруге келіскенім, үстінен 500 мың теңге беремін деді. Мен оған сендім. Ол бұрын менен қарызға балалардың заттарын алып, үнемі төлеп жүретін. Бір жыл бұрын мен оған несие алып бердім, басында төлеп жүрді, осылайша ол сенімге кірді. Кейін жоғалып кетті. Мен оның Дидар Қалиахметтің әйелі екенін білмедім – оны сотта көргенде TikTok арқылы білдім", – дейді ол.

Тағы бір жәбірленуші Дарын есімді жігіт 7,8 миллион теңгесінен айырылғанын айтты. Бұрын ол Балауса Еркінқызымен микроқаржы ұйымында жұмыс істеген, оның әлеуметтік желісінен пайызбен қарыз беретіні туралы хабарландыруды көрген.

"Ақшаны пайызбен қайтарып беретінін оқыдым. Төлеуді тоқтатқаннан кейін e-otinish арқылы арыз жаздым, бірақ Балауса полиция бөлімінде қарызды қайтарамын деп видеоүндеу жасағаннан кейін екі рет қайтарып алдық. Бір банктен екі миллион, екіншісінен 1,5 миллион теңгені бөлеп төлеу шартымен алдым, өз ақшам бар – жалпы 7,8 миллион теңге", – дейді Дарын.

Журналист пен зардап шеккендер Балауса Еркінқызы күйеуінің туыстарымен бірге тұратын үйге барған. Есікті енесі ашып, Балаусаның енді олармен бірге тұрмайтынын айтты. Оның айтуынша, келіні бір ай бұрын күйеуі сотталған соң анасының үйіне көшіп кеткен. Алайда екі баласы сол үйде қалған. "Еркінқызы ата-ана міндетін атқарып жатыр ма?" деген сұраққа енесі атқарып жатқанын айтып, жауап берді.

Руслан Өтепбай Балауса Еркінқызын іздеуді жалғастыратынын, оның қайда екенін білетіндердің хабарласуын сұрады.