AAPL
138.93 $
1.62 %
TSLA
681.79 $
1.24 %
NDAQ
155.59 $
2 %
GOOGL
2174.75 $
-0.21 %
FRHC
44.39 $
0.09 %
AAPL
138.93 $
1.62 %
TSLA
681.79 $
1.24 %
NDAQ
155.59 $
2 %
GOOGL
2174.75 $
-0.21 %
FRHC
44.39 $
0.09 %
Соңғы жаңалықтар
Соңғы жаңалықтар

Шенеунік Қызылорда әкімімен туыстық байланысы үшін қызметінен кетті

Қызылорда облысы әкімінің орынбасары Балжан Шәменова баспасөз мәслихатын өткізіп, қызметтен өз еркімен кететінін айтты. Ол Қызылорда қаласының басшысымен туыстық байланысы барын түсіндірді.

Бұл туралы Өңірлік коммуникациялар қызметінің Facebook желісіндегі ресми парақшасында хабарланды.

Шенеунік 2021 жылдың сәуірінде облыс әкімінің орынбасары қызметін атқарғанын атап өтті. Оған экономика және қаржы саласын қадағалау ісі де тапсырылды.

"Осы жылдың сәуір айында інім Асылбек Шәменовтің ұлы Қызылорда қаласының әкімі қызметіне кірісті. Ол Жалағаш ауданының басшысы бола тұра маған тікелей есеп бермегендіктен ешқандай заңбұзушылық болған жоқ. Бірақ сәуір айынан бастап мен қаржы саласын басқардым, ал қала әкімі қызметіне жиенім келді. Сондықтан мен Қызылорда облысы әкімінің орынбасары қызметінен кетуді жөн көрдім", – деп түсіндірді мемлекеттік қызметкер.

Облыстық әкімдікте хабарланғандай, аймақ басшысы Нұрлыбек Нәлібаев актив жиынында бұрынғы орынбасары Балжан Шәменованы құрметпен шығарып салды. Оның облыстың дамуына қосқан үлесі зор екенін атап өтті. Белгілі болғандай, енді ол ҚР Еңбек және халықты әлеуметтік қорғау министрлігінде жауапты қызмет атқаратын болды.

Еске салайық, Балжан Шәменова 2021 жылдың сәуір айының басында Қызылорда облысы әкімінің орынбасары болып тағайындалса, Асылбек Шәменов 2022 жылдың сәуір айының соңында Қызылорда облысын басқарды.


Референдумнан кейін президенттің өкілеттігі қалай өзгереді – Саясаттанушы түсіндірді

Талқылау
Пікір
Қазір оқып жатыр
Қазір оқып жатыр