Сайда түнеген: Қостанай облысында кеше жоғалып кеткен төрт қыз табылды
Қостанай облысында 9 қазанда жоғалып кеткен 7, 9, 12 жастағы қыздар ертесі күні бір-ақ табылды, деп хабарлайды Stan.kz ақпарат агенттігі.
Асенкритовка ауылында төрт қыздың жоғалып кеткені туралы ақпарат желіде сағат 16:00-де тараған.
"Алдын ала келіп түскен ақпарат бойынша қыздарды автобустан шығарып жіберген", - деп жазыпты еріктілер.
Жоғалып кеткен жеткіншектерді іздестіруге полицейлер мен жергілікті тұрғындар жұмылыпты.
"Төрт қызды таңертең Николаевка ауылында тапқан. Олар сайда қонуға мәжбүр болыпты. Автобус туралы ақпарат расталмады. Олардың ата-аналарымен түсіндіру жұмыстары жүргізілді. Психолог та олармен жұмыс жасады", - деді Қостанай облыстық ПД өкілдері.
Талқылау
Пікір
Çàãðóçêà...